بیرلشگن ملتلر تشکیلاتینینگ انسان حقوقلری بۉییچه عالي کمیسارلیگی یقینده بېرگن گزارشیده ایتیشیچه، طالبان محکمهلرینینگ جزا قاعدهلری بیر قطار حرکتلرنی جنایت صفتیده بېلگیلهگن و اولرگه نسبتاً بېلگیلنگن جزالر خلق ارا انسان حقوقلری قانونلریگه ماس کېلمهیدی.
اوشبو اداره معلوماتیگه کۉره، طالبان قانونی اۉلیم جزاسینی کېنگهیتیریشی، عیاللر و بالهلرگه نسبتاً جسماني جزالر، شو جملهدن زۉروانلیکنی قانونيلشتیریشی و دیني اېرکینلیک همده سۉز اېرکینلیگینی چېکلاوچی قاعدهلرنی اۉز ایچیگه آلهدی.
طالبان اېسه، بو قانون شریعت اساسیده ایشلب چیقیلگنلیگینی و اوندن تنقید قیلیش جنایت اېکنلیگینی بیلدیرهدی.
انسان حقوقلری تشکیلاتلرینینگ تأکیدلشیچه، اوشبو جزا قاعدهلر انساني بۉلمهگن جزالرنی تیکلهیدی و اۉلیم همده جسماني جزالرنینگ دایرهسینی کېنگیتیرهدی.
طالبان محکمهلرینینگ جزا قاعدهلرینینگ 15-مادّهسیده قوللیک جنایت صفتیده رسمي تن آلینگن، حالبوکه خلقارا حقوق قوللیک و ذاتدارلیکنی منع قیلهدی.
شونینگدېک، بو قاعدهلرگه کۉره، حکومتنی تنقید قیلیش جنایت حسابلنهدی. امیرنی حقارت قیلیش 90 ته دره و ایکّی ییل قماق جزاسی بیلن جزالنهدی.
قانونده عیاللرگه نسبتاً، اگر اولر اېرلریدن اجرهلیب، آته یاکه قرینداش اوییگه باریشسه، آغیر جزا بېلگیلنگن.
