پاکستاننینگ افغانستان اوچون مخصوص وکیلی محمد صادق، طالبان مینگلب ترورچیلرنی جایلشتیرهیاتگنی سببلی، افغانستان قۉشنیلری خوفسیزلیک معمالری بیلن یوزلشماقده دېگن.
او بوگون، سهشنبه، 5 حوت ایکس پیامیده یازیشیچه، بو معمالرنی اۉزبېکستان نمایندهسی بیلن محاکمه قیلگن.
پاکستان نمایندهسینینگ قۉشیمچه قیلیشیچه «حساباتلرگه کۉره، افغانستانده جایلشگن اۉزبېک ترورچیلر سانی 2500 دن آرتیق؛ احتمال، بو پاکستان طالبانی (تیتیپی)دن کېین ایکّینچی ییریک ترورچی گروه دیر»
بیرلشگن ملتلر تشکیلاتی حساباتلری هم افغانستانده خارجي قوراللی گروهلرنینگ موجودلیگینی تصدیقلهیدی. خوفسیزلیک کېنگشی حساباتیگه کۉره، اېنگ کۉپ خارجي جنگچیلر افغانستانده پاکستان طالبانینینگ اعضالری (تیتیپی) حسابلنهدی.
بیراق، طالبان دایما افغانستانده ترورچی گروهلرنینگ موجودلیگینی انکار قیلگن.
سۉنگگی ملاقاتده طالبان تشقی ایشلر وزیری امیرخان متقينینگ ایتیشیچه، افغانستانده هېچ قندهی یریم حربي گروه موجود اېمس.
وزیرنینگ ایتیشیچه، پاکستاننینگ سۉنگگی هوا هجوملریده نشانگه آلینگنی ادعا قیلینگن هېچ بیر قوراللی شخص هلاک بۉلمهگن و «بو پاکستاننینگ افغانستانگه قرشی عیبلاولرینینگ اساسسیزلیگینی کۉرسهتهدی»
او شونینگدېک، برچه تامانلر، جملهدن دیپلوماتیک وکالتخانهلر، سۉنگگی هوا هجومی جایینی تېکشیریب، وضعیتنی یقین کوزهتیشی ممکنلیگینی بیلدیرگن.
