ایران تشقی ایشلر وزیرلیگی مطبوعات سۉزلاوچیسی اسماعیل بقایی، ایران حلی طالبان حکومتینی رسماً تن آلیش مسألهسیده قطعي قرارگه کېلمهگنینی ایتدی.
بقایی بوگون (دوشنبه،۴ حوت) مطبوعات انجمنیده «تن آلیش مسألهسی انچهدن بېری محاکمه قیلینیب کېلینماقده و هنوز جریانده. بو، ماهیتاً حاکمیتی و سیاسی مسألهدیر».
اونینگ قۉشیمچه قیلیشیچه «بو بارهدهگی معلوماتلرنی تشقی ایشلر وزیرلیگی آرقهلی اعلان قیلهمیز».
ایران تشقی ایشلر وزیرلیگی مطبوعات سۉزلاووچیسینینگ ایتیشیچه، ایراننینگ طالبان حکمرانلیگی آستیدهگی افغانستان بیلن علاقهلری «اۉزارا حرمت، عمومي منفعتلر همده مدني، حاکمیت و دیني رشتهلر» اساسیده یۉلگه قۉییلگن و تامانلر اۉرتهسیدهگی علاقهلر جوده یخشی درجهده.
او چېگرهدهگی خوفسیزلیک، گیاهوند مادّهلر، سوو و باشقه بیر قطار مسألهلر ایکّی تامان اوچون عمومي تشویش اېکنینی، اولرنی حل اېتیش اوچون همکارلیک ضرورلیگینی تأکیدلهدی.
آلدین راق علیرضا بیگدلی، ایراننینگ کابلدهگی اېلچیسی، اېران یقین آرهده طالبان حکومتینی رسماً تن آلیشینی ایتگن اېدی.
او بو بارهدهگی مذاکرهلر دوام اېتهیاتگنینی و جریان اوزاق چۉزیلمسلیگینی بیلدیرگن.
ایران و طالبان سۉنگگی تۉرت ییلدن آرتیق وقت دوامیده کېنگ قمراولی سیاسي و اقتصادي علاقهلرگه اېگه بۉلسه-ده، اېران حکومتی هنوز طالبان حکومتینی رسماً تن آلمهگن.
