هند تشقی ایشلر وزیرلیگی پاکستاننینگ افغانستان شرقیدهگی پکتیکا و ننگرهار ولایتلریدهگی منطقهلرگه اویوشتیرگن هوا هجوملرینی قارهلهدی.
هند تشقی ایشلر وزیرلیگی مطبوعات کاتبی راندهیر جیسوال یکشنبه کونی (۳ حوت) نشر قیلگن بیاناتیده شوندهی دېدی:
هند پاکستاننینگ افغانستان حدودیگه قیلگن، رمضان آییده عیاللر و بالهلر جملهدن تینچ اهالینینگ قربان بۉلیشیگه آلیب کېلگن هوا هجوملرینی کېسکین قارهلهیدی».
اونینگ قۉشیمچه قیلیشیچه، بو پاکستاننینگ ایچکی موفقیتسیزلیکلرینی تشقریگه چیقریشگه قرهتیلگن نوبتدهگی اورینیشیدیر.
هند تشقی ایشلر وزیرلیگی سۉزلاوچیسی راندهیر جیسوال، بو مملکت افغانستاننینگ حاکمیت، یېر یخلیتلیگی و مستقللیگینی ینه بیر بار قۉللب-قوّتلشینی بیلدیرهدی.
پاکستان کېچه تونده مملکت شرقیدهگی پکتیکا و ننگرهار ولایتلریده یېتّی نقطهگه هوا هجوملری اویوشتیرگن.
طالبان بېرگن معلوماتلرگه کۉره، ننگرهار ولایتیدهگی هجوملر عاقبتیده کمیده۱۷ کیشی، جملهدن۱۱ نفر باله هلاک بۉلگن و ینه بېش کیشی جراحت آلگن.
پاکستان اېسه بو هجوملرده پاکستان طالبان حرکتی و داعشنینگ مرکزلری همده یشیرین جایلری نشانگه آلینگنینی ایتگن.
