بیرلشگن ملتلر تشکیلاتینینگ پروژهلر ادارهسی (یواناوپیاس) افغانستان جمعیتی اوچون «برقرارلیک و تیریکچیلیک» لایحهسیگه ۱۴۳ میلیون امریکا دالری مقداریده یاردم اجرهتیلگنینی معلوم قیلدی. اوشبو مبلغ جهان بانکی و افغانستان برقرارلیک جمغرمهسی تامانیدن تقدیم اېتیلگن.
مذکور اداره معلوماتیگه کۉره، اوشبو مبلغ نینگ۹۵ میلیون دالری جهان بانکی، قالگن۴۸ میلیون دالری اېسه افغانستان برقرارلیک جمغرمهسی حصهسیگه تۉغری کېلهدی.
(یواناوپیاس) نینگ بیلدیریشیچه، ینگی یاردم بیلن «افغانستان جمعیتی اوچون برقرارلیک و تیریکچیلیک» لایحهسی نینگ عمومي بودجهی 562 میلیون دالرگه یېتدی.
اوشبو بودجه حسابیدن افغانستان نینگ برچه۳۴ ولایتیده فعالیتلر قۉللب-قوّتلنهدی و میلیونلب افغانستانلیکلر ایش بیلن تأمینلنیش، اساسي خدمتلر همده برقرارلیککه آلیب بارووچی یۉللرگه اېریشیش امکانیتی یرهتیلهدی.
شو بیلن بیرگه، بیرلشگن ملتلر تشکیلاتینینگ عیاللر بۉلیمی هم جاپان حکومتی تامانیدن اېران و پاکستاندن قَیتگن عیاللرنی قۉللب-قوّتلش اوچون۸۲۶مینگ۶۶۶ دالر اجرهتیلگنینی اعلان قیلدی.
تشکیلات معلوماتیگه کۉره، اوشبو تشبث قَیتگن عیاللر و قیزلرنینگ تیریکچیلیک یاردمی، حمایه خدمتلری همده بالهلر اوچون ماس مکانلر کبی ضرور خدمتلردن فایدهلنیشیگه امکان بېرهدی.
خدمتلر افغانستاننینگ شرقي و جَنوبي حدودلریده، عیاللر اوچون مۉلجللنگن خوفسیز مکانلر آرقهلی و عیاللر فقرالیک جمعیتی تشکیلاتلری بیلن همکارلیکده کۉرسهتیلهدی.
طالبان نینگ قَیته حاکمیتگه کېلیشیدن سۉنگ افغانستان کېنگ کۉلملی بشری بحرانگه یوز توتدی. ایران و پاکستاندن۲.۵میلیوندن آرتیق مهاجرنینگ چیقریب یوباریلیشی بو بحراننی ینه-ده چوقورلشتیردی.
بیرلشگن ملتلر تشکیلاتی ادارهلرینینگ تأکیدلشیچه، افغانستاندهگی محلي جماعهلر کوچلی اقتصادي باسیم آستیده قالماقده و اولر تیریکچیلیک لایحهلری آرقهلی برقرارلیکنی مستحکملش همده محلي اقتصادیاتنی یخشیلشگه حرکت قیلماقده.
