طالبلرنینگ بدخشان ولایتیدهگی امنیه قوماندانلیگینینگ معلوم قیلیشیچه، کشم و تېشکن اولسواللیکلریده یۉلیده بیر موتر دریاگه قولهش نتیجهسیده بېش کیشی هلاک بۉلگن.
بدخشانده طالبلر امنیه قوماندالیگی سۉزلاوچیسی احسانالله کامگارنینگ ایتیشیچه، بوگون توشدن کېین (شنبه،۲ حوت) تېشکن کۉپریگی حدودیده بیر فرونر یۉلدن چیقیب، دریاگه قولهگن.
اونینگ سۉزلریگه کۉره، موترنینگ تۉرت یۉلاوچیسی جسدی سوودن چیقریلگن و باشقه بیر کیشینی تاپیش بۉییچه ایزلنیشلر دوام اېتماقده.
کامگانینگ ایتیشیچه، اوشبو موترنینگ برچه یۉلاوچیلری ارگو اولسواللیگی یشاوچیسی بۉلگن.
اونینگ سۉزلریگه کۉره، حاضرچه حادثه نینگ سببی انیق اېمس.
بدخشان مملکت نینگ شِمالی-شرقیده جایلشگن تاغلی ولایتلردن بیری بۉلیب، او یېرده یۉللر قیین اۉتیشلی و ستندردگه ماس اېمس. موترلرنینگ واديلر و دریالرگه قولهش همده اغدریلیش حادثهلری اوشبو ولایتده اساسي ترافیک حادثهلریدن حسابلنهدی.
