طالبلر «صفتسیز یاقیلغی آلیب کیریلیشینینگ آلدینی آلیش» مقصدیده مملکت بۉیلب تیل تانکلری و یاقیلغی قوییش شاخابچهلریدن یاقیلغی و گازنی فقط رخصتنامهگه اېگه، بېلگیلنگن شرکتلردن ساتیب آلیشنی همده ساتووچی کمپنینینگ حجتلرینی اۉزیده سقلب توریشنی طلب قیلدی.
مذکور هیات بوگون (چهارشنبه،۲۹ دلو) اعلان قیلگن بیاناتیده ایتیشیچه، اگر تېکشیروو جریانیده یاقیلغی تانکلریده صفتسیز یاقیلغی انیقلنسه و تصدیقلنسه، قانوني چارهلر کۉریلهدی.
هیات، شونینگدېک، سوداگرلر و شرکتلردن سویوق یاقیلغی و گازنی عملده بۉلگن معیار و قاعدهلرگه موافق وارې قیلیشنی طلب قیلگن. قاعدهبوزرلیک صادر اېتیلگن تقدیرده، هبتالله آخوندزاده کۉرسهتمسیگه اساسن، تېگیشلی ادارهلرگه تقدیم اېتیلیشی ایتیلگن.
طالبلر «صفتسیز یاقیلغی آلیب کیریلیشی نینگ آلدینی آلیش» اوچون بازارنی دایمي روشده نظارت قیلیشینی و عملدهگی معیارلرنی بوتون مملکت بۉیلب تطبیق اېتیشینی معلوم قیلگن.
طالبلر افغانستانده ینه حاکمیتنی قۉلگه آلگنیدن بویان نفت محصولاتلری و سویوق گاز وارداتیگه کېنگ کۉلملی چېکلاولر جاري اېتیب کېلماقده.
