طالبلرنینگ پنجشیر ولایتیدهگی کانلر و پترولیم ادارهسی اوشبو ولایت کانلریدن قزیب آلینگن یېتّی مینگ۵۱۳ قیراط زمرد آلتی میلیون ۷۵۹ مینگ۷۱ دالرگه ساتیلگنی حقیده خبر بېردی.
مذکور ادارهنینگ بیلدیریشیچه، بو مقداردهگی زمرد بوگون (سهشنبه،۲۸ دلو) آچیق داوطلبلیک آرقهلی ساتیلگنینی معلوم قیلدی.
طالبلر کانلر و پترولیم ادارهسینینگ ایتیشیچه، بو زمردلر سۉنگگی ایکّی هفته ایچیده حصهیی اوّل تومنیدن قزیب آلینگن.
طالبلرنینگ بیلدیریشیچه، پنجشیر زمردینینگ سوداسیدن توشگن درآمد نینگ ۱۰ فایزی اوشبو گروه خزینهسیگه اۉتکزیلهدی، قالگن قِسمی اېسه شرطنامه اساسیده ایشلهیاتگن کمپنیلرگه بېریلهدی.
طالبلر افغانستانده ینه حاکمیتنی قۉلگه آلگنیدن بېری پنجشیر ولایتیدهگی زمرد کانلرینی منتظم روشده قزیب آلیب، محصولاتلرینی ساتیب کېلماقده.
شونینگدېک، طالبلر یقینده پنجشیرده یاقوت، بېروج و گرینگارنت کانلرینی قزیب آلیشنی هم باشلهگن.
