اروپا فقرالیک حمایهسی و انسانپرورلیک یاردم عملیاتلری افغانستانده ماینلرنی تازهلش بۉییچه آلیب باریلهیاتگن سعی-حرکتلرنی قۉللب-قوّتلشینی اعلان قیلدی. بو ایشلر جمعیتلرگه یېر میدانلریدن قیشلاق خۉجهلیگی، اوی-جای و مکتبلر اوچون خوفسیز فایدهلنیش امکانینی بېریش مقصدیده عملگه آشیریلماقده.
مذکور مؤسسه خوف-خطرلر بۉییچه تعلیم دستورلرینی مالیهلشتیرهیاتگنینی همده جبرلنگنلر اوچون طبي یاردم و خدمتلرینی تأمینلهیاتگنینی بیلدیردی.
افغانستان دنیادهگی ماینلر بیلن اېنگ کۉپ افلاسلنگن دولتلردن بیری بۉلیب، بو حالت کېتمه-کېت اوروشلرنینگ میراثی حسابلنهدی.
بیرلشگن ملتلر تشکیلاتی معلوماتلریگه کۉره، ۱۹۸۹-ییلدن بویان افغانستانده 45 مینگدن آرتیق تینچ اهالی یېر ماینلری و اوروشدن قالگن پارتلاوچی مادّهلر عاقبتیده هلاک بۉلگن یاکه جراحتلنگن.
اروپا فقرالیک حمایهسی و انسانپرورلیک یاردم عملیاتلری حساباتیده ایتیلیشیچه، قربانلرنینگ کۉپچیلیگی تۉپ آرتیدن یوگورهیاتگن یاکه حیوانلرنی ییلاوگه آلیب چیقهیاتگن بالهلردیر.
اروپا اتفاقی افغانستانده ماینلرنی تازهلش بیلن شغللنووچی ایشانچلی تشکیلاتلر، جملهدن هل تروست آرقهلی یاردم کۉرسهتهیاتگنینی و بو حدودلرنی ینه خوفسیز حالتگه کېلتیریشنی مقصد قیلگنینی معلوم قیلدی.
بیرلشگن ملتلر تشکیلاتی معلوماتلریگه کۉره، افغانستانده۳ میلیون۳۰۰ مینگ کیشی ماینلر و پارتلاوچی مادّهلر بیلن افلاسلنگن حدودلردن بیر کیلومتر مصافهده یشهیدی.
حاضرده طالبان نظارتی آستیده بۉلگن افغانستان طبيعي آفتلرگه قرشی کورهشیش ادارهسی سۉنگگی بیر ییل ایچیده مملکتده ماینلر و پارتلاوچی مادّهلر پارتلشی عاقبتیده 87 کیشی هلاک بۉلگنینی و ینه۳۳ کیشی جراحتلنگنینی معلوم قیلدی. قربانلرنینگ اکثریتی بالهلردیر.
