طالبلرصناعت و تجارت وزیرلیگینینگ ایتیشیچه، افغانستان و اۉزبېکستان تدبیرکارلری ایکّی دولت اۉرتهسیدهگی سودا علاقهلری کنفراسسیده۳۰۰ میلیون دالردن آرتیق قیمتگه اېگه 25 شرطنامه امضالهدی.
اوشبو وزیرلیک بوگون (سهشنبه، ۲۸-دلو) نشر قیلگن بیاناتیده ایتیشیچه، اوشبو شرطنامه اۉزبېکستاننینگ «سِردریا» ولایتیده امضالنگن.
طالبان نینگ صناعت و تجارت وزیرلیگی تاکیدلهگنیدېک، اوشبو شرطنامه «قوریلیش، آزیق-طعام محصولاتلری، قیشلاق خۉجهلیگی، موبل و اوی جهازلری، کییم-کېچک و دارولر» ساحهلرینی قمرهب آلهدی.
صناعت و تجارت وزیری نورالدین عزیزی ایتیشیچه، ایکّی تامان اۉرتهسیدهگی علاقهلر سۉنگگی ییللرده مثلی کۉریلمهگن درجهده رواجلنگن.
اونینگ قۉشیمچه قیلگنیچه، ایکّی دولت اۉرتهسیدهگی سودا حجمی ۲۰۲۵ییلده اۉتگن ییلگه نسبتاً آشگن و اوندن هم کۉپراق رواجلنتیریش امکانیتی موجود.
وزیر شونینگدېک، افغانستان تامانیدن سکّیز توردهگی، اۉزبېکستان تامانیدن اېسه آلتی توردهگی محصولاتلر بۉییچه اوستوار تجارت شرطنامهسی امضالنگنینی بیلدیرگن.
صناعت و تجارت وزیرلیگینینگ بیاناتیگه کۉره، اۉزبېکستان نینگ سِر دریا ولایتی حاکمی ایرکینجون توردیموف هم ایکّی دولت اۉرتهسیدهگی سودا علاقهلرینی رواجلنهیاتگن دېب اتهگن.
او اقتصادي و تجارت امکانیتلریگه اشاره قیلیب، ایکّی دولت تدبیرکارلرینی اوشبو امکانیتلر، ایستک و تکلیفلر حقیده ملاقات قیلیشگه چقیرگن.
