بوگون کابلده بیر قطار شاعر، یازووچی، تیلسېور، ملتسېور و یاشلرنینگ اشتراکی بیلن بویوک شاعری و سۉزملکینینگ سلطانی امیرعلیشیرنوایی و بابریلر سلالهسی اساسچیسی شاعر و شاه ظهیرالدین محمد بابرنینگ توغیلگن کونی بیر محفل آرقهلی نشانلندی.
محفلده دستلب اۉزبېکستان اېلچیسی آیبیک عثماناف، بو شهرده اۉتکزیلگن «بویوک متفکرلریمیزنی اېسلب» نامی ییغینیده نطق سۉزلب، امیرعلیشیر نوایی و ظهیرالدین محمد بابر نهفقط افغانستان و اۉزبېکستان اوچون بلکه اۉرته آسیا باشقه مملکتلریگه قۉشیمچه پاکستان و هندوستاننینگ هم مشترک میراثی دېب معلوم قیلدی.
عثماناف گه کۉره، بو بویوک تاریخی سیمالر ییریک بیر تمدنگه حصه قۉشیب اۉزلریدن بیبها میراث قالدیرگن.
شونینگدېک اۉزبېکستان اېلچیسی نوایی و بابر حضرتلری قالدیرگن میراث قدرلنیشینی هم تاکیدلدی.
بونگه قوشیمچه، اۉزبېکستان اېلچیسی مزارشریف شهرینینگ قلعه غازیان کۉچهسیده اۉزبېکستان حکومتی و طالبان همکارلیگیده بیر ینگی یادگارلیک قوریلیشینی معلوم قیلدی.
شونینگدیک محفل جریانیده چیقیش قیلیب صحبت قیلگن کیشیلر مذکور ایکّی بویوک عالمنینگ اۉزیدن قالدیرگن منگو اثرلری و اولرنینگ اهمیتی اوستیده توختهلیب گپیردیلر.
