بیرلشگن ملتلر تشکیلاتینینگ بالهلرنی حمایهلش صندیغی بوگون یکشنبه۲۶ – دلو بیر حسابات نشر قیلیب، میلادی ۲۰۲۵-ییلی افغانستانده ۲۰میلیوندن آرتیق انسانگه یاردم یېتکزیب بېرگنیدن خبر بېردی.
بو تشکیلات تامانیدن نشر اېتیلگن معلوماتگه کۉره، یونیسف تامانیدن یاردم کۉرسهتیلگنلر جملهسیدن کمیده ۱۱ میلیونی بالهلر اېکن.
یونیسفنینگ یاردملر ساغلیق خذمتلری، اۉقیش شرایطلری یرهتیلیشی، ایچیملیک سوو یېتکزیلیشی و آزیق-آوقت محصولاتلری تامینلنیشیدن عبارت بۉلگنی هم قوشیمچه قیلینگن بو تشکیلات حساباتیده.
یونیسف گزارشیده افغانستان بۉیلب تورلی ولایتلرده ۱۴مینگ اۉقیش صنفلری ایجاد اېتیلیب، اۉقیشدن محروم قالگن ۴۴۲مینگ بالهگه یاردم اۉقیش شرایطی یرهتیلگنی هم قید اېتیلگن.
تشکیلاتنینگ بیلدیریشیچه، مذکور صنفلر آرقهلی اۉقیش شرایطیدن فایدهلنگن بالهلردن ۶۵فایزی قیزلر دیر.
شونینگدېک یونیسف تشکیلاتی تۉییب-آوقتلنمسلیککه چلینگن ۶۱۱مینگ بالهگه حمایهلر کۉرسهتیلگنی همده ۸۴۳ مینگ حاملهدار عیالگه یاردم یېتکزیلگنینی هم معلوم قیلدی.
یونیسف نینگ تأکیدلهشیچه، شرقي ولایتلرده زلزله،۱۲ولایتده دوام اېتهیاتگن قورغاقچیلیک و ایران همده پاکستاندن کېنگ کۉلملی قاچقینلرنینگ قَیتیشی یاردمگه بۉلگن احتیاجنی آشیریب، آلدیندن یېتیشمهیاتگن اساسي خدمتلرگه باسیمنی کوچهیتیردی.
جاري ییل دوامیده تخمیناً۱۷.۴ میلیون کیشی آغیر آزیق-طعام تنقیصلیگی بیلن یوزمه-یوز بۉلیشی کوتیلماقده؛ جملهدن،۴.۷ میلیون کیشی فوق العاده وضعیت حالتیده قالهدی.
