امریکانینگ ایکّینچی ییریک کېمهسی یقین شرققه جۉنهشی بیلن بیر وقتده، دونالد ترامپ ایران رژیمینی اۉزگرتیریشنی آلقیشلب، بونی «اېنگ یخشی واقعه» دېب بهالهدی.
شو بیلن بیرگه، ایکّی نفر امریکالیک رسمي رویترزگه معلوم قیلیشیچه، امریکا اوردوسی ایرانگه قرشی بیر نېچه هفتهلیک برقرار عملیاتلرگه تیارگرلیک کۉرماقده، اگر دونالد ترومپ هجوم بویروقینی بېرسه.
معلوماتلرنی آشکار قیلگن رسميلر اۉزلرینینگ اسملرینی مخفي سقلشنی ایستشدی، چونکه بو رجهلشتیریشنینگ نازک طبیعتی بیلن باغلیق. بو اېسه امریکا و ایران اۉرتهسیدهگی موجود دیپلوماتیک جریانلرگه خوف سالهدی.
رویترز خبریگه کۉره، امریکا و ایراننینگ ینگی مذاکرهلری سهشنبه کونی جنواده اۉتکزیلیشی رېجهلشتیریلگن.
منبع نینگ ایتیشیچه، امریکالیک هیئت ترکیبیده استیو ویتکوف و جارد کوشنر بۉلیب، سهشنبه کونی ایران نمایندهلری بیلن اوچرهشهدی.
شونینگدیک، عمان نمایندهلری هم مذاکرهلرده اشتراک اېتیب، ایران و امریکا اۉرتهسیدهگی ملاقاتلرده واسطهچیلیک قیلهدی.
اۉتگن هفته امریکالیک و ایرانلیک دیپلوماتلر عمانده تهران نینگ هسته دستوری بۉییچه دیپلوماتينی تیکلش اوچون مذاکرهلرنی باشلشدی، شو بیلن بیرگه امریکا حربي کوچلرینی یقین شرققه جایلشتیردی و ینگی حربي حرکتلر خوفینی آشیردی.
امریکا رسميلرینینگ جمعه کونی بیلدیریشیچه، پنتاگون ینه بیر ییریک کېمهنی یقین شرققه جۉنهتماقده و مینگلب عسکرلر، جنگاور اوچاقلر، راکت تیزیملری و باشقه قوراللر بیلن بیرگه حدودگه یوباریلماقده.
رسميلر بو سفر رېجهلشتیریش مرکّبراق اېکنینی بیلدیریشدی.
بیر رسمينینگ ایتیشیچه، عملیاتلر دوامیده امریکا اوردوسی نهفقط ایران نینگ هسته انشااتلریگه، بلکه دولت و خوفسیزلیک اۉبژېکتلریگه هم ضربه بېریشی ممکن. شو رسمي تفصیلاتلرنی آشکار قیلیشدن باش تارتدی.
متخصصلر فکریچه، ایراننینگ کوچلی راکت ارسېنالیگه اېگه بۉلگن شرایطده امریکالیک کوچلر اوچون خوف یوقاری بۉلهدی. ایراننینگ جواب ضربهلری اېسه منطقوي ماجرا خوفینی آشیرهدی.
دونالد ترامپ بنیامین نتانیاهو بیلن اوچرهشوودن سۉنگ، مذاکرهلرنی دوام اېتتیریشگه اینتیلیشینی و «کېلیشووگه اېریشیش امکانیتینی کۉریشنی» مقصد قیلگنینی اعلان قیلدی.
اونینگ سۉزلریگه کۉره، اۉتگن ییلی مذاکرهلرده «ایران کېلیشووگه اېریشمسلیکنی تنلهدی و بو اولرگه یخشی بۉلمهدی. امید قیلهمنکی، بو سفر اولر منطقي و مسوولیتلیراق حرکت قیلهدی.
ترامپ ایران نینگ هسته قورالیگه اېگه بۉلیشیگه یۉل قۉییلمسلیگینی تأکیدلهدی.
ایران رسميلری اېسه هسته قورالینی ایزلهمسلیگینی ایتیب، یورانیوم باییتیش حقوقینی سقلب قالیشلرینی بیلدیردی.
ایران فقط هسته دستوری بۉییچه مذاکره قیلماقچی، امریکا اېسه ایران نینگ راکت دستوری هم محاکمه قیلینیشینی خواهلهیاتگنی ایتیلماقده.
جمعه کونی شمالي کارولینادهگی بازهده ترامپ امریکالیک عسکرلرگه مراجعت قیلیب، ایران بیلن کېلیشوو «قیین بۉلگنینی» ایتدی و قۉشیب قۉیدی: «بعضاً قۉرقیش کېرهک. بو وضعیتنی نظارت قیلیش نینگ یگانه یۉلی.»
ترامپدن ایران رژیمینی اۉزگرتیریشنی خواهلش-یۉقلیگی سۉرهلگنده، او «بو اېنگ یخشی واقعه بۉلیشی ممکن» دېب جواب بېردی. کیمنی حاکم قیلماقچی اېکنینی ایتمهدی، فقط «شخصلر بار» دېدی.
او شونینگدېک، «47 ییل دوامیده اولر گپلشیب کېلیشدی، بیز اېسه کۉپ حیاتلرنی یۉقاتدیک، آیاقلر، قۉللر و یوزلر کېسیلدی. بیز اوزاق وقت دوام اېتدیک» دېیه قۉشیمچه قیلدی.
