برلین خلق ارا سینما فستیوالی (برلیناله) «یخشی آدم یۉق» فلمی بیلن، کارگردان شهر بانو سادات تامانیدن یرهتیلگن.
خانیم ساداتنینگ فلمی تیناوون (پنجشنبه۲۳ دلو) برلین خلق ارا سینما فستیوالینینگ مخصوص بۉلیمیده نمایش اېتیلدی.
خانیم سادات رویترز بیلن صحبتده، اوشبو فلمنینگ فستیوال آچیلیشیده نمایش اېتیلیشینی افغانستان سینماسی اوچون «جوده یخشی قدم» دېب بهالهدی و بو حادثهدن هیجانلنگنینی ایتدی.
اونینگ قۉشیمچه قیلیشیچه، بو فلم افغانستان حقیدهگی جوده قیغولی حکایهلرنی دنیا سینمالریده تۉلدیریش اوچون امکانیت دیر.
سادات شوندهی دېگن: «خارجلیک کارگردانلر افغانستان حقیده فلم یرهتگنده، بو فلملر کۉپینچه جوده قیغولی بۉلهدی.»
اما کارگرداننینگ ایتیشیچه، افغانستان خلقینینگ کوندهلیک حیاتی شونچهلیک بیر قیرّهلی اېمس و اولر هم «باشقه آدملر کبی، فقط باشقه جغرافیهده، قووانچ و غم بیلن یشهشهدی.»
شهربانو سادات بو فلمده اساسي رۉلده هم اشتراک اېتهدی. اساسي رۉل اکتوری چیقمهی قالگنیدن سۉنگ، او اۉز قراریگه کۉره کامره آلدیگه چیقدی.
شهر بانو سادات بوندن آلدین هم بیر نېچته قیسقه و اوزون متراژلی فلملر یرهتگن.
اونینگ فلملری آرهسیده « گرگومیش» فلمی۲۰۱۶ ییلده فرانسه، کن فستیوالی نینگ یان بۉلیمیده نمایش اېتیلگن و مکافات آلگن.
