نورستاندهگی طالبان محلي مسووللرینینگ ایتیشیچه، دوآب اولسواللیگیده بیروج کانی قولهشی نتیجهسیده ایکّی کانچی اوستیگه توشگن، اولردن بیری جان بېرگن، ایکّینچیسی یرهلنگن.
نورستانده طالبلر پولیسی سۉزلاوچیسی احمد بشیر بارکزادهنینگ ایتیشیچه، بو حادثه تیناوون کېچقورون (چهارشنبه،۲۲دلو) «کورگل» منطقهسیده، دوآب اولسواللیگیده یوز بېرگن.
اونینگ سۉزلریگه کۉره، ایکّله کانچی هم کنر ولایتینینگ چپهدره اولسواللیگیدن بۉلیب، دوآب نورستانده کان قزیب آلیش اوچون کېلیشگن.
واقعه ننگرهاردهگی سپین غر اولسواللیگی کان فلاکتی نتیجهسیده بیر کانچی هلاک بۉلگنی و ینه بیر کیشی جراحت آلگنیدن ایکّی کون کېین یوز بېردی.
نا حرفهای و خوفسیزسیز قزیب آلیش همده ایشچیلرگه خوفسیزلیک واسطهلرینینگ یېتیشمسلیگی بو هلاکتلی حادثهلر سببلریدن بیری حسابلنهدی. افغانستاننینگ کان و یېر آستی بایلیکلرینی قزیب آلیش طالبان نظارتی آستیده کېنگ کۉلمده دوام اېتماقده. ایتیلیشیچه، طالبان کانلر آرقهلی مالیهلشتیریشگه حرکت قیلماقده؛ بو اېسه اولرنینگ مخالفلری تامانیدن افغانستان سرمایهسینی نینگ تالانی صفتیده بهالنهدی.
