بغلان منبعلریگه کۉره، دوشی اولسواللیگی دوستی قیشلاغی اهالیسی «کوچي گجرلر» تامانیدن اۉتلاقلرینی «اېگهللش»گه قرشی ناراضیلیک نمایشی اۉتکزگن، اما بو ناراضیلیک گجرلرنینگ ارهلشووی نتیجهسیده، منبعلرنینگ ایتیشیچه، طالبان تامانیدن قۉللب-قوّتلنگن، زۉرآورلیککه ایلنیب کېتگن.
منبعلرگه کۉره، نمایشچیلرنی آتیش نتیجهسیده ایکّی کیشی جدّي یرهلنگن و طالبان هم اَیریم نمایشچیلرنی حبسگه آلگن.
منبعلرنینگ ایتیشیچه، واقعه سهشنبه کونی (۲۱دلو) « دهن پیازقل» حدودیده صادر بۉلگن.
اهالی دوستی قیشلاغیده اوشبو منطقهگه اېگهلیک حجتلریگه اېگه، اما گجرلر طالبان حکومتیدهگی وکالتلرنی سوءاستعمال قیلیب، بو اۉتزارلرنی «زۉر بیلن» اېگللشگن.
منبعلر، گوجرلر طالبان اعضالری بۉلیب، اوشبو گروهدن حمایه کۉریشینی ادعا قیلهدی.
منبعلر شونی قۉشیمچه قیلهدیکی، محلي اهالی بیر نېچه مرته حجتلرینی آلیب طالبان ادارهلریگه مراجعت قیلگن، اما طلبلریگه اعتبار قرهتیلمهگن.
سهشنبه کونی دوستی قیشلاغی اهالیسی ناراضیلیک نمایشیگه چیققن، «اما گجرلر دولت و شخصي قورالنی ایشلهتیب، آدملر اوستیدن هجوم قیلگن»
منبعلرنینگ قۉشیمچه قیلیشیچه، بو آتیشمهده ایکّی کیشی جراحتلنگن و طالبان گجرلرنی قۉللب-قوّتلب، دوستی قیشلاغی اهالیسینینگ بیر قِسمینی حبسگه آلگن.
بغلانلیک محلي طالبان وکیللری حاضرچه اوشبو واقعه بۉییچه ایضاح بېرمهگن.
سۉنگگی تۉرت ییل ایچیده شمالي افغانستانده کۉچيلر و محلي بۉلمهگن شخصلرنینگ حرکتی محلي اهالی تامانیدن ناراضیلیک بیلن قرشی آلینگن.
