بیرلشگن ملتلر تشکیلاتی خوفسیزلیک کېنگشی چېکلاولرینی نظارت قیلیش کمیتهسی، پاکستان طالبانینی قۉزغآلانچی گروهی (تیتیپی) افغانستاندهگی طالبان تامانیدن کۉپراق اېرکینلیک و یاردمگه اېگه بۉلیب، شونینگ اوچون بو گروهنینگ پاکستانگه قرشی هجوملری آشگن.
اوشبو حساباتده ایتیلیشیچه، پاکستان طالبانینی قۉزغآلانچی گروهی افغانستانده فعالیت یوریتهیاتگن اېنگ کتّه تروریستیک گروهلردن بیری بۉلیب، اونینگ پاکستان خوفسیزلیک کوچلری و دولت توزیلمهلرگه قرشی هجوملری اوشبو مملکتنینگ افغانستاندهگی طالبان بیلن حربي قرهمه-قرشیلیگیگه آلیب کېلگن.
بیرلشگن ملتلر تشکیلاتی خوفسیزلیک کېنگشی چېکلاولرینی نظارت قیلیش کمیتهسی، طالبان رسميلری مملکتده هېچ قندهی تروریستیک گروه یۉق، دېگن دعوا قیلهدیلر؛ اما بیرلشگن ملتلر تشکلاتی نینگ هېچ بیر اعضا دولتی بو دعوانی قبول قیلمهگن.
حساباتگه کۉره، منطقه دولتلری افغانستاندهگی تروریستیک گروهلر سانی و اولرنینگ تأثیری، جملهدن چېگرهلر ارا هجوملر و ایچکی ضعیف جمعیتلرنینگ اېکسترېمیستیکلشووی بارهسیده خواطرده.
شونینگدېک، بیرلشگن ملتلر تشکیلاتی خوفسیزلیک کېنگشی چېکلاولرینی نظارت قیلیش کمیتهسی حساباتیده ایتیلیشیچه، خراسان بۉلیمی داعش منطقوي دولتلرنینگ خوفسیزلیک عملیاتلری و طالبان نینگ حربي چارهلریگه قرهمهی، سېزیلرلی باسیم آستیده بۉلسه-ده، حلی هم سېزیلرلی جنگاور قوّتگه اېگه بۉلیب، اۉز کوچلرینی، جملهدن آنلاین یاللش آرقهلی تېزده تۉلدیره آلهدی.
گزارشگه کۉره، باسیم داعشنی افغانستان نینگ تورلی حدودلریده باشقه گروهلر بیلن اتفاقلر توزیشگه مجبور قیلماقده.
شونینگدېک، گزارشده ایتیلیشیچه، خراسان بۉلیمی داعش اساسن افغانستان شِمالیده، خصوصاً، بدخشان ولایتی و پاکستان چېگرهسیگه یقین حدودلرده فعال بۉلیب، ترماغینی منطقوي و اوندن کېنگراق تهدید یرهتیش اوچون کېنگهیتیرماقده.
طالبان حاضرگچه بیرلشگن ملتلر تشکیلاتی خوفسیزلیک کېنگشی چېکلاولرینی نظارت قیلیش کمیتهسینینگ ینگی حساباتیگه مناسبت بیلدیرمهگن، اما اوّلراق هر دایم بوندهی حساباتلرنی رد اېتیب، «پراپگنده» دېب حسابلهگن.
