جهان ساغلیقنی سقلش تشکیلاتی اۉزینینگ آیلیک حساباتیده افغانستاندهگی ساغلیق وضعیتی حقیده شوندهی بیلدیرهدی، اۉپکه کسللیگی دسامبر آییده۲۴.۶فایزگه آشگن.
اوشبو تشکیلات آماری معلوماتلریگه کۉره، دسامبر آییده جمعی اۉن سکّیز مینگ 302 ته اۉپکه کسللیگی حالتی و۳۵۲ ته اونگه باغلیق اۉلیم قید اېتیلگن. بو معلوماتلر آلدینگی آی بیلن سالیشتیرگنده۲۴.۶فایزلیک اۉسیشنی کۉرسهتهدی.
نوامبر آییده اېسه ۱۴۷ مینگ و ۱۳۸ ته اۉپکه کسللیگی حالتی و۲۴۸ ته اۉلیم حالتی قید اېتیلگن اېدی.
دسامبر آییده، شونینگدېک، قیزهمیق نینگ ینگی ایکّی مینگ 95ته گمان قیلینگن حالتی قید اېتیلگن، بو اېسه۱۰ته اۉلیمگه آلیب کېلگن. بو آلدینگی آیگه نسبتاً۱.۵فایزلیک کمهییشنی انگلهتهدی.
دسامبر آییده ینگی بیر مینگ ۲۲۸ته گمان قیلینگن ملاریا حالتی قید اېتیلگن، اما اونده بیرارته هم اۉلیم حالتی بۉلمهگن. بو آلدینگی آیگه نسبتاً ۷۴.۴ فایزلیک کمهییشدیر.
شونینگدېک، دسامبر آییده۳۴۰ته ینگی دېنگې ایسیتمهسی حالتی قید اېتیلگن، اونده هم اۉلیم حالتی بۉلمهگن. بو آلدینگی آیگه نسبتاً ایکّی مینگ ۳۵۷ ۸۵.۶ فایزلیک کمهییشنی کۉرسهتهدی.
ساغلیقنی سقلش مرکزلری نینگ یاپیلیشی
جهان ساغلیقنی سقلش تشکیلاتی معلوماتلریگه کۉره، ۲۰۲۵-ییل ۲۰-دسامبرگچه جمعی۴۴۵ ته طبي مرکز بودجه چېکلاولری سببلی وقتینچه یاپیلگن یاکه فعالیتی تۉختهتیلگن.
تشکیلات نینگ بیلدیریشیچه، بو بوزیلیش تخمیناً۳۰ ولایتدهگی ۳.۰۸ میلیون کیشیگه تأثیر قیلیشی کوتیلماقده.
دسامبر آییده۴۹ ته ساغلیق کلاستری همکاری۸۹۱ ته طبي مرکز آرقهلی۳۱۶ ته تومن حدودیده۴۸۱.۷۵۰کیشی اوچون انسانی طبي خدمتلر کۉرسهتگن.
یاردملرنینگ کمهییشی افغانستان ساغلیقنی سقلش تیزیمیگه جدّي تأثیر کۉرسهتگن.
بیرلشگن ملتلر تشکیلاتی بشری یاردملرنی موافقلشتیریش ادارهسی (اوچا) معلوماتلریگه کۉره، ۲۰۲۶-ییلده تخمیناً۱۴.۴ میلیون کیشی ساغلیقنی سقلش یاردمیگه محتاج بۉلهدی.
اوچا بو انسانلرنینگ یرمیگه خدمت کۉرسهتیش رېجهلشتیریلگنینی و بو نینگ اوچون۱۹۰.۸میلیون دالر مبلغ ضرورلیگینی بیلدیرگن.
