طالبلرنینگ ننگرهار امنیه قوماندانلیگینینگ خبر بېریشیچه، اوشبو ولایتده یوز بېرگن اوچته ترافیک حادثهسی نتیجهسیده بېش کیشی جان بېرگن و اوچ کیشی یرهلنگن.
طالبلر امنیه قوماندانلیگی مطبوعات سۉزلاوچیسی سیدطیب حمادنینگ ایتیشیچه، بیرینچی حادثه تیناوون کېچقورون (یکشنبه، 19 دلو) تورخم – جلال آباد یۉلیده صادر بۉلگن و اونده اوچ کیشی هلاک بۉلیب، اوچ کیشی جراحت آلگن.
اونینگ قۉشیمچه قیلیشیچه، بو حادثه «تیلر» روسوملی یوک موتری بیلن «بابوجی» روسوملی موترنینگ تۉقنهشووی نتیجهسیده، ننگرهار ولایتی نینگ ثمر خیل اولسواللیگیده صادر بۉلگن.
طالبلر امنیه قوماندانلیگی سۉزلاوچیسینینگ ایتیشیچه، ایکّینچی حادثه هم کېچه، جلال آباد شهری، اوچینچی ناحیهسیده صادر بۉلگن.
اونینگ قۉشیمچه قیلیشیچه، بو حادثهده «مازدا» روسوملی موتر پیادهگه اوریلگن و او شفاخانهگه یېتکزیلگچ هلاک بۉلگن.
طالبلر امنیه قوماندانلیگی مطبوعات سۉزلاوچیسینینگ ایتیشیچه، اوچینچی حادثه هم تیناوون، ننگرهار ولایتی، تۉقّیزینچی ناحیهسیده صادر بۉلگن و اونده یوک موتری بیلن موتر سایکل تۉقنهشگن.
سید طیب حمادنینگ ایتیشیچه، بو حادثهده موتر سایکل هیداوچیسی هلاک بۉلگن.
او بو اوچته حادثه نینگ سببلری حقیده ایضاح بېرمهگن.
طالبان پولیسی اهالیدن یۉل حرکتی قاعدهلریگه رعایه قیلیش و هَیدهشده احتیاطکار بۉلیشنی سۉرهیدی.
