تاریخی سیما، بویوک شاعر، بیلیمدان و عادل سیاستچی امیر علیشیر نوایی، همده بابریلر امپراتورلیگینینگ اساسچیسی و اولوغ شاعر ظهیرالدین محمد بابر توغیلگن کونلری مناسبتی بیلن امریکانینگ فیلادلفیا شهریده کتّه و طنطنهلی احتفال اۉتکزیلدی.
اوشبو احتفال تېمور اجتماعی و مدنی انجمنی تشبثی بیلن اویوشتیریلیب، اونده بیر قطار فرهنگی شخصیتلر، اجتماعی فعال کیشیلر و مدنیتسیور یاشلر قتنشگن اېدیلر.
احتفالده سۉزلهگنلر، بو ایکّی تاریخی شخصیتنینگ ادبیات، سیاست و مدنیت بۉییچه ثمرهلی تاثیراتینی ایسلش بیلن بیرگه، بو قبیل احتفاللر اۉتکزیلیشی متفکرلریمیزنینگ تورلی قیرّهلرینی اۉرگنیشگه کتّه اهمیت کسب اېتیشینی معلوم قیلدیلر.
برنامه یکونیده، اشتراکچیلر، رسمی نهادلر، ملی تاجرلر و فرهنگی مرکزلر مسئوللردن بو اولوغ سیمالرنینگ اثرلرینی چاپ و نشر اېتیش بیلن مدنی و تاریخی میراثنی سقلب قالیش بۉییچه جدی دقت قرهتیشلرینی سۉرهدیلر.
