بویوک ادیب، شاعر، دولت اربابی حضرت امیرالکلام میر علیشیرنوایینینگ توغیلگننینگ ۵۸۵- ییللیگی آلماننینگ فرانکفورت شهریده نشانلندی.
انه شو مناسب بیلن اۉتکزیلگن علمی سمینارده نوایی شناساستادلر، یازوچیلر، شاعرلر، عیاللر همده مدنیت اربابلری اشتراک قیلگنلر.
سمینارده چیقیش قیلیب صحبت قیلگن نوایی شناس استادلر نوایی حضرتلرینینگ تفکری، ایجادی، ادبیات، تیل، صنعت و انسانیت یۉلیده بجرگن برچه فعالیتلری اوستیده تۉختهلیب صحبت قیلدیلر. عین حالده، نوایینینگ قالدیرگن بویوک اثرلری بارهسیده هم به تفصیل صحبتلر قیلینگن.
شونینگدیک اوشبو علمی سمینارده اشتراک قیلیب نطق سۉزلهگنلر نوایی حضرتلرینینگ سۉنگی نېچه ییل ایچیده باسیلگن اثرلریگه اشاره قیلیب، بو الوغ شخصیتنینگ آثارلری ینه – ده چاپ قیلینیب نوایی شیدالریگه یېتکزیلیشی بارهسیده تاکیدلهدیلر.
اورپانینگ باشقه مملکتلریدن تشریف بویورگن صنعتچی خیرمحمد سرخابی، سهراب ایلیار و یونس سعیدلرنینگ قۉشیق کویلهشی بیلن محفلگه باشقهچه حلاوت بغیشلهدی.
شونینگدیک محفل اداغیده، مشهور خطاط کریمزاده قلمیده یازیلگن نوایی حضرتلرنینگ تک بیتلری محفل اشتراچیلریگه ساووغه صفتیده ترقهتیلدی.
