بیرلشگن ملتلر تشکیلاتینینگ افغانستان بۉییچه مخصوص انسان حقوقلری گزارشگری ریچارد بنت افغانستان حاضرده پاکستان و باشقه مملکتلردن قَیتهیاتگن کۉپلب مهاجرلر اوچون خوفسیز اېمسلیگینی ایتدی.
بنت لاهور پاکستانده بۉلیب اۉتگن «کنفرانس اسما جهانگیر»ده بالهلر افغانستانگه هَیدهلیشی نتیجهسیده چوقور تأثیر آستیده قالگنینی، چونکه اولر تعلیم آلیش امکانیتینی یۉقاتگنینی تأکیدلهدی.
او شونینگدېک، حاضرگی افغانستان شرایطیده پاکستاندن مهاجرلرنی هَیدهش قَیتهیاتگنلر خوفسیزلیگی و فراوانلیگی بۉییچه جدّي خواطرلرنی یوزهگه کېلتیرهیاتگنینی قۉشیمچه قیلدی.
بیرلشگن ملتلر تشکیلاتینینگ مخصوص گزارشگری کۉپلب آدملر، اولر پاکستاندن هَیدهلگن، هېچ قچان افغانستاننی کۉرمهگن و حیاتلرینی بوتونلهی پاکستانده یشش و ایشلشگه بغیشلهگن.
او پاکستاننینگ افغانستان مهاجرلریگه مېزبانلیک قیلیشینی، مملکتنینگ اجتماعي و اقتصادي حالتینی حسابگه آلگن حالده، مقتشگه ارزيدیگن ایش دېب اتهدی، اما مهاجرلرنینگ قَیتیشی ایدهآل حالتده و آبرولی جریان آرقهلی عملگه آشیریلیشی لازملیگینی تأکیدلهدی.
اۉتگن ییلی پاکستان افغانستان مهاجرلرینی هَیدهشنی کوچهیتیردی و۱.۵میلیوندن آرتیق مهاجرنی افغانستانگه قَیتردی.
افغانستانلیک مهاجرلرنی پاکستاندن هَیدهش حلی هم دوام اېتماقده و طالبان معلوماتلریگه کۉره، هر کونی ۱۰۰۰دن آرتیق آدم هَیدهلیب، افغانستانگه کیریب کېلماقده.
