طالباننینگ اقتصادي کمیسیونی اوشبو گروهنینگ باش وزیر اۉرینباسری عبدالغنی برادر باشچیلیگیده، خارجي سرمایه یاتقیزوچیلر اوچون افغانستانگه ۱ دن ۱۰ ییلگچه یشش رخصتینی بېریش لایحهسینی تصدیقلهدی.
باش وزیر اقتصادی ایشلر بۉییچه اۉرینباسرلیکنینگ معلوم قیلیشیچه، اوشبو لایحه (شنبه، ۱۸دلو) طالبان اقتصادي کمیسیونی ییغیلیشیده تصدیقلنگن.
کمیسیون خارجي سرمایه قاتقیزوچیلر اوچون یشش رخصتینی بېریش لایحهسینی سرمایه یاتقیزیش مقدارینی حسابگه آلگن حالده تورلی ساحهلرگه ماسلشتیریش و یکوني حسابات تیارلش اوچون بیر کمیته تعیینلهگن.
طالبان افغانستاننی قَیته اېگهلهگنیدن بېری خارجي سرمایه یاتقیزووچیلرنی جلب قیلیشگه حرکت قیلماقده، اما کۉپلب ییریک سرمایه یاتقیزوچیلر طالباننینگ قانونيلیگی یۉقلیگی و افغانستانگه قرشی جاري اېتیلگن چېکلاولر طفیلی مملکتگه سرمایه آلیب کیریشگه تیار اېمس.
اېنگ کتّه قیزیقیشنی افغانستانگه چین، ایران و منطقهنینگ باشقه بیر قنچه دولتلری سرمایه یاتقیزیشگه کۉرستگن.
اوشبو دولتلر طالباننینگ یقین اتفاقچیلری بۉلیب، سۉنگّی تۉرت ییل ایچیده اولر بیلن کېنگ سیاسي و اقتصادي علاقهلر اۉرنهتیلگن.
