طالباننینگ بدخشان ولایتی امنیه قوماندانلیگینینگ معلوم قیلیشیچه، اوشبو ولایتنینگ ارغنجخواه اولسواللیگیده «فلنکوچ» روسوملی موتر جرلیککه قولهب توشیشی عاقبتیده ۱۲کیشی هلاک بۉلگن، ینه اوچ کیشی جراحت آلگن.
قوماندانلیکنینگ بیلدیریشیچه، حادثه بوگون توش پیتی (شنبه ،۱۸ دلو) ارغنجخواه اولسواللیگینینگ «سمدر» منطقهسیده صادر بۉلگن.
طالبان امنیه قوماندانلیگی قربانلر آرهسیده عیاللر و بالهلر هم بارلیگینی تأکیدلهگن.
بیاناتده ایتیلیشیچه، موتر یۉلاوچیلری بدخشان ولایتی مرکزی فیض آباد شهریدن ارغنجخواه اولسواللیگی مرکزی تامان یۉلگه چیققن بۉلگن.
طالبان امنیه قوماندانلیگی موترنینگ جرلیککه قولهشیگه یۉل نینگ نهایتده یراقسیز حالتی سبب بۉلگنینی بیلدیرگن.
