فراه ولایتیدهگی طالبلر محلي رسمیلرینینگ ایتیشیچه، یامغیرلر نتیجهسیده فراه رود اولسواللیگیده بیر اوی نینگ دېواری قولهگن و نتیجهده بیر کیشی جان بېرگن و اوچ کیشی اېسه جراحت آلگن.
فراه رود اولسواللیگی حاکمی محمدصادق جهادمل، بو حادثهنینگ بوگون تانگ (پنجشنبه، ۱۶دلو) گورزنگ قیشلاغیده صادر بۉلگنینی بیلدیرگن.
اونینگ قۉشیمچه قیلیشیچه، هلاک بۉلگنلر اوی اېگهسی بۉلگن آته و اونینگ قیزی، جراحتلنگنلر اېسه آنه و ایکّی فرزنددیر.
فراه رود اولسواللیگی حاکمی جراحتلنگنلر تومن مرکزیدهگی طبیات مرکزیگه یېتکزیلگنینی معلوم قیلگن.
اوشبو قویاشي ییل نینگ قیش فصلیده، فراه ولایتیده یامغیرلر سبب بیر نېچته اوی تامی یاکه دېوارلرینینگ قولهشی حادثهلری قید اېتیلگن.
شونگه اۉخشش واقعهلر باشقه ولایتلر، جملهدن قندهار، ننگرهار و قندوزدن هم خبر قیلینگن.
