طالبلر سۉزلاوچیسی ذبیحالله مجاهد بیرلشگن ملتلر تشکیلاتی خوفسیزلیک کېنگشی اعضالرینینگ افغانستانده داعش موجودلیگی حقیدهگی خواطرلریگه مناسبت بیلدیریب، بو گروه افغانستانده مغلوب بۉلگچ، «بیزنینگ قۉشنیلریمیز توپراغیده اویه قورگنینی» ایتدی.
طالبلر سۉزلاوچیسی بوگون (پنجشنبه،۱۶ دلو) اعلان قیلگن بیاناتیده بیرلشگن ملتلر تشکیلاتی خوفسیزلیک کېنگشی اعضالرینینگ افغانستانده داعش موجودلیگی بارهسیدهگی تشویشلرینی «اساسسیز» دېب اتهگن.
اونینگ قۉشیمچه قیلیشیچه، بو کبی خواطرلر طالبان نمایندهسی بیرلشگن ملتلر تشکیلاتی خوفسیزلیک کېنگشی ییغیلیشیده اشتراک اېتمهگنی سببلی بیلدیریلماقده، عکس حالده اولر اوشبو گروهنینگ حجتلرگه اساسلنگن موضعینی تقدیم اېته آلگن بۉلردی.
ذبیحالله مجاهدنینگ ایتیشیچه، «اَیریم دولتلر اوشبو بۉشلیقدن فایدهلنیب، افغانستان خوفسیزلیگی حقیده ترغیبات آلیب بارماقده و صنعي تشویش اویغاتماقده».
او شونینگدېک شوندهی دېگن: «بیز ایشانچ بیلن ایتهمیزکی، افغانستان خوفسیز، بو یېرده هېچ قندهی خارجي یاکه اۉزباشیمچه گروهلر موجود اېمس».
چین نمایندهسی کابلدهگی چین رستورانتیگه قیلینگن هجومگه اشاره قیلیب، افغانستانده ترورچیلر موجودلیگی مسألهسیگه جدّي بیرلشگن ملتلر تشکیلاتینینگ تروریزمگه قرشی کورهش بۉلیمی سرپرستی الکساندر زوئفنینگ ایتیشیچه، افغانستاندهگی داعشنینگ خراسان بۉلیمی هنوز منطقه و اوندن تشقریده اېنگ جدّي تهدیدلردن بیری بۉلیب قالماقده.
بیرلشگن ملتلر تشکیلاتینینگ تروریزمگه قرشی کورهش بۉلیمی سرپرستی اۉتگن آی کابلدهگی چین رستورانتیگه اویوشتیریلگن هجومنی مثال قیلیب کېلتیردی. مذکور هجوم اوچون جوابگرلیکنی داعش گروهی اۉز ذمّهسیگه آلگن اېدی.
اونینگ قۉشیمچه قیلیشیچه، بو گروهلر افغانستانده اېرکین فعالیت یوریتیب، اوشبو مملکت توپراغیدن فایدهلنیب پاکستانگه قرشی هجوملر اویوشتیرماقده.
منطقه و دنیا دولتلری آلدین هم بیر نېچه بار افغانستانده ترورچی گروهلر موجودلیگیدن خواطر بیلدیرگن و طالباندن اولرگه قرشی جدّي چارهلر کۉریشنی طلب قیلگن.
