قندهاردهگی منبعلر سابق حکومت اجرائیه باشلیغی مصلحتچیسی توفان وزیري قوراللی شخصلر هجومی عاقبتیده جراحت آلگنینی معلوم قیلدی.
منبعلرگه کۉره، قوراللنگن شخصلر بوگون، چهارشنبه کونی (۱۴دلو) اېرتهلب قندهار شهرینینگ ۱۵-ناحیهسی، یخ کاریز حدودیده وزیرينی اویینینگ آلدیده قتّيق دۉپپاسلب، واقعه جاییدن قاچیب کېتگن.
بیرمنبع نینگ ایتیشیچه، وزیري حاضرده قندهاردهگی عینو مېنه شفاخانهسیده دوالنماقده.
توفان وزیري جمهوریت دوریده حکومت اجرائیه ادارهسی نینگ مصلحتچیسی و مطبوعات سۉزلاوچیسی بۉلیب ایشلهگن.
منبعلرگه کۉره، او جمهوریت قولهگنیدن کېین افغانستاننی ترک اېتگن، کېینچهلیک اېسه طالبان نینگ «دعوت کمیسیونی» آرقهلی مملکتگه قَیتگن.
حاضرچه هجوم نینگ سببی نامعلوم. قندهاردهگی طالباننینگ محلي رسميلری بو بارهده ایضاح بېرمهگن.
