خلق ارا انسان حقلری کوزهتوو تشکیلاتی بوگون چهارشنبه،۱۵دلو نشر قیلگن ییللیک گزارشیده عیاللر و قیزلرگه قرشی طالبان ظلمی ۲۰۲۵- ییلده کوچهیگنینی تأکیدلهدی.
تشکیلات افغانستاندهگی انساني بحراننی چېت اېل یاردملرینینگ کمهییشی و میلیونلب مهاجرنینگ مجبوري قَیتیشی سببلی آغیرلشگنینی قید اېتگن.
خلق ارا انسان حقوقلری کوزهتوو تشکیلاتی بۉییچه تدقیقاتچیسی فرشته عباسی شوندهی دېگن: «دولتلر طالباننی قۉرقینچلی سوءاستعماللریگه برهم بېریشگه مجبور قیلیشی، شونینگدېک، افغانستاندهگی انساني بحراننی یېنگیللشتیریش و افغانستان قاچقینلریگه یاردم کۉرسهتیشنی کېنگهیتیریشی کېرهک».
اونینگ تأکیدلهشیچه «طالبلرنینگ تینیمسیز سرکوبگرلیگی برچه جنایي جوابگرلیکدهگی شخصلرنی جوابگرلیککه تارتیش اوچون دولتلرنی حرکت قیلیشگه اوندهشی لازم».
خلق ارا انسان حقوقلری کوزهتوو تشکیلات ۲۰۲۶-ییلگی گلوبل گزارشیده۱۰۰ دن آرتیق مملکتلرده انسان حقوقلری حالتینی اۉرگنیب چیققن.
تشکیلاتنینگ اجراچی رییسی فیلیپ بولوپیوننینگ سۉزلریگه کۉره، دنیانی قمرهب آلگن اوتاریتریزم تۉلقینی بیلن کورهش بیر اولاد اوچون اساسي چقیریق دیر.
اونینگ ادعاسیگه کۉره: «انسان حقلری تیزیمی ترامپ دوری و باشقه گلوبل کوچلرنینگ مثلی کۉریلمهگن تهدیدی آستیده تورگن بیر پیتده، دیموکراتیک دولتلر و فقرالیک جمعیتی استراتېگیک بیردملیک یرهتیشی لازم».
افغانستانده طالبلر قتّيق قانونلر قبول قیلگن بۉلیب، عیاللر و قیزلرنینگ جماعت جایلریگه حرکتلنیش و کیریش حقوقینی کېسکین چېکلهدی.
اولر سۉنگگی تۉرت ییل دوامیده عیاللر و قیزلرنینگ تعلیم آلیش و ایشلشینی هم تعقیقلهدی.
انسان حقوقلری فعاللری طالباننینگ عیاللرگه قرشی سیاستینی جنسي اجرهتیش (جنسی آپارتاید) صفتیده بهالهیدیلر.
۲۰۲۵-ییل جولای آییده خلقارا جنایي محکمه طالبلر رهبری و باش محکمهنی انسانیتگه قرشی جنایت و جنسي تجاوزده عیبلب حبسگه آلیش حکمینی چیقردی.
تشکیلات بحران ۲۰۲۵-ییلده امریکا و باشقه دولتلرنینگ یاردملرنی کمهیتیریشی همده میلیونلب مهاجرنینگ مجبوري قَیتیشی سببلی ینه-ده جدّيلشگنینی تأکیدلهدی.
تشکیلاتنینگ معلوماتلریگه کۉره،۲۲ میلیوندن آرتیق کیشی آزیق-طعام خوفی آستیده بۉلگن و عیاللر همده قیزلر بونگه نسبتاً نامتناسب تأثیر کۉرگن.
خلق ارا انسان حقوقلری کوزهتوو تشکیلاتی انسان حقوقلرینی بوزیشنی تۉختهتیشگه باسیم اۉتکزیش، شونینگدېک، افغانستانگه انسانپرورلیک یاردمینی یېتکزیش ضرورلیگینی اېسلهتگن.
تشکیلات شونینگدېک، هېچ بیر دولت افغانلرنی عذاب-عقوبت یاکه حیات تهدیدی بیلن یوزلشیشی ممکن بۉلگن حالتده مجبورن قَیترمسلیگی لازملیگینی تأکیدلهگن.
اونگه کۉره، بیرلشگن ملتلر تشکیلاتی اعضالری افغانستان بۉییچه ینگی تدقیقات میکانیزمینی مالیهلشتیریش و قۉللب-قوّتلشلری کېرهک.
