منبعلر و اطلاعات روز قۉلگه کیریتگن حجتلرگه کۉره، طالبان مالیه وزیرلیگی بودجه یېتیشماوچیلیگی سببلی۱۴۰۴ مالی ییلینینگ یکونلنیشینی اعلان قیلگن و ینگی مالی ییل ۱۴۰۵ ییل حوت آییده باشلنیشی رېجهلشتیریلگن.
اصلیده،۱۴۰۴ ییل آخری حوت آیینینگ آخریده یکونلنیشی و ینگی ییل حمل آییدن باشلنیشی بېلگیلنگن اېدی.
خبردار منبعگه کۉره، اوشبو اۉزگریشنینگ سببی۱۴۰۴ ییلدهگی درآمددن یوقاری خرجتلر و جدی و دلو آیلریدهگی ایش حقلرینی تۉلش اوچون بودجه یېتیشماوچیلیگی اېکن.
منبعنینگ ایتیشیچه، جدی و دلو آیلریدهگی خادملر ایش حقلری ینگی ییل بودجه حسابیدن، یعنی۱۴۰۴ ییل حوت آیینینگ باشیدن باشلنگن بودجهدن تۉلهنیشی رېجهلشتیریلگن.
طالبان مالیه وزیرلیگینینگ حجتیده ایتیلیشیچه، هبتالله آخوندزاده قراریگه بناءً،۱۴۰۴ مالی ییلی۳۰ دلوده یکونلنهدی و ینگی مالی ییل حوت آیی نینگ باشیدن باشلنیب،۳۰ جدی۱۴۰۵ گچه دوام اېتهدی. شو بیلن بیرگه،۱۴۰۶ مالیوي ییلی کېلهسی ییلده۱ دلو ۱۴۰۵دن باشلنیشی رېجهلشتیریلگن.
آلدینگی حکومت دوریده افغانستانده مالی ییل جدی آییدن باشلنیب، ملي بودجه پارلمان تصدیقلهگندن سۉنگ جمهور رییس تامانیدن امضالنگن.
اما طالبان حاکمیتگه کېلگنیدن سۉنگ، مالی ییل حمل آیینینگ باشیدن باشلنهدی و بودجه تۉغریدن-تۉغری هبتالله آخوندزاده دفتری تصدیقلش اوچون یوباریلهدی.
طالبان بیر نېچه ییل دوامیده درآمد و خرجتلر حقیده ایضاح بېرمهگن.
اولر ساختارنی کیچرهیتیرگن و پست درجهلی خادملرنینگ ایش حقینی کمهیتیرگن.
شو بیلن بیرگه، بعضی آیلریده خادملرنینگ ایش حقی کېچیکیب تۉلهنهدی.
منبع اطلاعات روزگه ایتیشیچه، جدی آیی ایش حقی ایکّینچی بویروقگچه تۉختهتیلگن.
منبعگه کۉره، طالبان حکومتی اۉتگن ییل آخریده هم بودجه یېتیشماوچیلیگی بیلن دوچ کېلگن. شو منبعنینگ قۉشیمچه قیلیشیچه، ۱۴۰۳ مالی ییلیده حوت آییدهگی خادملر ایش حقی۱۴۰۴ ییل بودجه حسابیدن تۉلنگن.
آلدینگی حکومت تشقی یاردم بیلن ایشلهگن، اما طالبان ادعاسیگه کۉره، اولرنینگ درآمدی ایچکی منبعلردن آلینهدی.
طالبلر حاکمیتگه قَیتگندن سۉنگ، طالبان مالیه و باجخانه درآمدلریدن تشقری، خلقدن عشرو و زکات ییغهدی و شونینگدېک، افغانستاننینگ کان و طبيعی منبعلرینی کېنگ قمراوده ایشلشگه کیریشگن.
