طالبلرنینگ ساغلیقنی سقلش وزیرلیگی مملکتنینگ۱۸ ولایتیده پولیو (بالهلر فلجی) واکسین کمپاینینینگ باشلنیشی حقیده معلومات بېردی.
وزیرلیککه کۉره، اوشبو کمپنی۱۵ ولایتده، جملهدن کابلده، بوگوندن (دوشنبه،۱۳ دلو) باشلنیب، پنجشنبهگچه دوام اېتهدی. اما هلمند، ارزگان و زابل ولایتلریده کمپاین سهشنبه کونیدن باشلنیب، جمعه کونیگچه دوام اېتهدی.
شونینگدېک، وزیرلیک فاریاب ولایتینینگ ایکّی اولسواللیگی و بدخشان ولایتینینگ ایکّی اولسواللیگیده هم اېملش کمپاینی کېلهسی دوشنبهدن باشلنیشینی قۉشیمچه قیلدی.
وزیرلیک معلوماتلریگه کۉره، اوشبو کمپاین دوامیده برچه ولایتلرده تخمیناً۷.۵ میلیون، بېش یاشگچه بۉلگن باله واکسین قیلینهدی.
بو 2026-ییلده افغانستانده اۉتکزیلهدیگن بیرینچی پولیو واکسین کمپاینی حسابلنهدی.
2025ییلده افغانستانده پولیو یاکه بالهلر فلجی کسللیگی بۉییچه تۉقّیزته ایجابي حالت قید اېتیلگن. شولردن بیری ارزگانده، اوچتهسی هلمندده، بیری بدخشانده، بیری نورستانده، ایکّیتهسی پکتیکاده و بیری فراهده بۉلگن.
جاري ییل دوامیده افغانستانده پولیو کسللیگی بۉییچه ایجابي حالتلر حقیده حلی معلومات اعلان قیلینمهگن.
حاضرده، افغانستان و پاکستان دنیادهگی یگانه دولتلر بۉلیب، او یېرده بالهلر فلجی کسللیگی تۉلیق برطرف اېتیلمهگن.
