طالبلر رهبری هبتالله آخوندزاده طالبان گروهیدهگی۱۹ نفر لوازمنی اۉزگرتیریب، بدخشاننینگ اشکاشم بندریدهگی طالبان کمیسارینی فاریاب بیلیم یورتی باشلیغی اېتیب تعیینلهدی.
رهبرنینگ ینگی تعیینلاولری ایکّی ولایت والیسی، ایکّی وزیرلیک اۉرینباسرلری و باشقه بیر قطار لوازملرنی اۉز ایچیگه آلهدی.
آخوندزاده کۉره، عزیز الرحمان منصور، طالباننینگ ایلگری حج و اوقاف وزیرلیگی اۉرینباسری بۉلگن شخص، پرووان والیسی اېتیب تعیینلندی، تورجان احمدی اېسه نیمرور ولایتی اۉرینباسری صفتیده دایکندی والیسی قیلیندی.
شونینگدېک، ارسلا خروتی قیشلاق رواجلنتیریش و قیشلاق جایلرینی تیکلش وزیرلیگیده قیشلاق خۉجهلیگی مسألهلری بۉییچه اۉرینباسر، محمد ربانی ناصح اېسه شهرسازلیک وزیرلیگیده مالیه و اداری ایشلر بۉییچه اۉرینباسر اېتیب تعیینلندی.
طالبان رهبری امینالله طیبنی مدافعه وزیرلیگی قۉشینلری نینگ قۉللب-قوّتلش اۉرینباسرینی کاپیسا ولایتی پولیس قوماندانی لوازمیگه تعیینلهدی.
باشقه شخصلر نسبتاً پستراق لوازملرگه تعیینلنگن. بو شخصلر نینگ برچهسی طالبان اعضالری و جنگریلردیر.
اما تعیینلاولر آرهسیده بیر حربي خادمنی علمي مرکز باشلیغی صفتیده تعیینلش علیحده اعتبارگه لایق؛ گرچه مملکتدهگی برچه علمي مرکزلر وزیرلیکلردن تارتیب بیلیم یورتلرگچه حاضرده طالبان قوماندانلری و جنگریلری تامانیدن باشقریلماقده. طالبان رهبری مولوی عبدالرزاق شاکر، بدخشان اشکاشم بندریدهگی طالبان کمیسارینی فاریاب بیلیم یورتی اېتیب تعیینلهدی.
