امریکا تشقی ایشلر وزیرلیگی ایراننینگ یوقاری مرتبهلی رسمیلری و اولرنینگ عایله اعضالرینینگ قۉشمه ایالتلر حدودیده بۉلیشیگه بېریلگن «امتیازلی رخصت» بېکار قیلینگنینی اعلان قیلدی.
مذکور وزیرلیک ایکس اجتماعی ترماغیده نشر قیلگن بیاناتیده، «ایران خلقی هنوز اۉزینینگ اساسي حقوقلری اوچون کورهش آلیب بارهیاتگن بیر پیتده، جاري هفته تشقی ایشلر وزیری مارکو روبیو ایراننینگ یوقاری لوازملی عملدارلری و اولرنینگ عایله اعضالرینینگ امریکاده بۉلیش امتیازینی بېکار قیلدی»
امریکا قۉشمه ایالتلری تشقی ایشلر وزیری «ایران ریژیمی نینگ شفقتسیز باستیریشلریدن منفعت کۉرهیاتگن شخصلر بیزنینگ مهاجرتی تیزیمیمیزدن فایدهلنیش حقوقیگه اېگه اېمس»
بو قرار ایرانده ناراضیلیک نمایشلری شفقتسیزلرچه باستیریلگنیدن سۉنگ، ایران و امریکا اۉرتهسیدهگی کېسکینلیک سېزیلرلی درجهده کوچهیگن بیر پیتده قبول قیلیندی.
مذکور ترنگلیکلر یانیده امریکا یقین شرقدهگی حربي اشتراکینی کوچهیتیرگن، امریکا جمهور باشلیغی دونالد ترامپ اېسه بیر نېچه بار ایرانگه «جوده قتّيق ضربه» بېریش بیلن تهدید قیلگن.
