طالبان باش وزیرینینگ اقتصادي اۉرین باسرلیک دفتری، حاضرگچه کابل شهریدن ۷۴مینگ ۹۶۸ گدا ییغیب آلینگن.
اوشبو اداره بوگون (چهارشنبه،۸ دلو) اعلان قیلگن بیاناتیده، اولردن ۳۷مینگ ۹۴۷ته سی مستحق تانیلگن و قالگن ۳۷مینگ ۲۱ کیشی اېسه حرفهای دېب تانیلگنی قید اېتیلگن.
اقتصادي اۉرین باسرلیکنینگ ایتیشیچه، مستحق گدالر «قیزیل آی» ادارهسیگه یۉنهلتیریلهدی و اولرگه هر آی بانک حسابلری آرقهلی پول اۉتکزیلهدی.
شونینگدېک، بعضی گدالر دوالنیش اوچون ساغلیقنی سقلش وزیرلیگیگه، باشقهلری اېسه ایش تاپیش امکانینی یرهتیش اوچون کابل شهردارلیگیگه یوباریلگن.
عبدالگههنی برهدر، باش وزیرنینگ اقتصادي اۉرین باسری عبدالغنی برادر، «گدالرنی ییغیش» کمیسیونیگه، دستلب کابلدهگی گدالر سانی کمهیگن اېدی، اما یقینده ینه کۉپیگن دېگن.
او کمیسیون ایشلرینی قتّيق نظارت قیلیشنی تأکیدلب، هر آی کمیسیون ییغیلیشی اۉتکزیلیشی و ایش گزارشی ادارهسیگه یوباریلیشی لازملیگینی بیلدیرگن.
طالبان۱۴۰۱ ییلده گدایگرلیکنی منع قیلیب، تورلی ولایتلرده گدالرنی ییغیش بۉییچه کېنگ کۉلملی کمپاین باشلهگن اېدی. طالبلر رهبری هبتالله آخوندزاده، «گدالرنی ییغیش و گدایگرلیک آلدینی آلیش تۉغریسیدهگی قانون»نی امضالهگن، اونگه کۉره گدایگرلیک کسب صفتیده جنایت دېب حسابلنهدی و مستح گدالرگه یاردم کۉرسهتیلهدی
