طالباننینگ فواید عامه وزیرلیگینینگ اعلان قیلیشیچه، سالنگ عمومی یۉلی یۉلاوچی موترلری اوچون ینه آچیلدی.
وزیرلیکنینگ سۉزلاوچیسی محمد اشرف حقشناسنینگ ایتیشیچه، سالنگ عمومی قتناو یۉلی بوگون (سهشنبه، ۷ دلو) توشدن کېین ساعت ۲:۰۰دن باشلب یۉلاوچی موترلری اوچون آچیلگن.
سالنگ یۉلی اۉتگن هفته چهارشنبه کونی تانگدن باشلب قار و بۉران سببلی تۉلیق یاپیلگن اېدی.
طالباننینگ فواید عامه وزیرلیگی هیداوچیلر و یۉلاوچیلردن سالنگ یۉنهلیشیده حرکت قیلگنده تۉلیق احتیاط چارهلرینی کۉریشلرینی، آزیق-آوقت ایسّیق کییملر و شونینگدېک، تیل و باشقه ضرور انجاملرنی اۉزلری بیلن آلیب یوریشنی سۉرهگن.
وزیرلیکنینگ معلوم قیلیشیچه، اوشبو یۉل تېز آرهده یوک تشووچی ترانسپورت واسطهلری اوچون هم آچیلیشی رېجهلشتیریلماقده.
سالنگ عمومی یۉلی مملکتنینگ استراتیژیک و اېنگ گوجوم یۉللریدن بیری بۉلیب، شمالي ولایتلرنی پایتخت کابل بیلن باغلهیدی.
