طالبلرنینگ خوست ولایتی والیسی ادارهسیگه کۉره، سابق حکومت نینگ ملي خوفسیزلیک بۉلیمی اعضاسی جاویدنینگ جسدی اۉلدیریلگنیدن سکّیز آی اۉتیب تاپیلگن.
بوگون (دوشنبه ۶ دلو) ولایت والیسی سۉزلاوچیسی مستغفر گربزنینگ ایتیشیچه، اوشبو جسد کېچه ولایت مرکزی متون گَنگینه منطقهسیدن تاپیلگن.
جاوید سابق حکومتنینگ « قطعه واکنش سریع» اعضاسی بۉلگن و سکّیز آی آلدین سِرلی طرزده، آنهسی و عمکیبچهلری تامانیدن اۉلدیریلگن.
سۉزلاوچینینگ ایتیشیچه، اۉلدیریلگنیدن سۉنگ، جسد اوینینگ ایچیده یوقاری مهارت بیلن دفن قیلینگن.
اۉلدیریلگن شخصنینگ عایلهسی مراجعت قیلگچ، طالبان استخبارات کوچلری دایمي تېکشیروو نتیجهسیده جسدنی تاپیب، توپراق آستیدن چیقریب، عایلهسیگه تاپشیردی.
سۉزلاوچینینگ معلوم قیلیشیچه، اوشبو قاتللیک بۉییچه اوچ کیشی حبسگه آلینگن و دستلبکی تېرگاودن سۉنگ اولرنی محکمه-حقوق اۉرگانلریگه تاپشیریش رېجهلشتیریلگن.
طالبان افغانستاننی قَیته اېگهلهگنیدن کېین مملکت بۉیلب سِرلی و اۉز-اۉزینی جزالش طرزیدهگی قاتللیکلر آرتگن. شو بیلن بیرگه، اولر بوتون مملکتده خوفسیزلیک تأمینلنگنینی دعوا قیلماقده.
