خلق ارا عامهوي اخبارات واسطهلرینینگ خبر بېریشیچه، امریکا مهاجرت ادارهسی خادملری « الکس پرتی» اسملی بیر امریکالیک فقرانی « مینیاپولیس» شهریده اۉق آتیب اۉلدیریشگن.
رویترزنینگ خبر بېریشیچه، امریکا ایچکی خوفسیزلیک وزیرلیگی اوشبو حادثهنی «هجوم» دېب اتهگن و بیر چېگره خادیمی اېرکک شخص اونگه تیزّه قورال بیلن یقینلشگن و قورالینی آلیب قۉییش اورینیشلریگه قرشی چیققنیدن سۉنگ، اۉزینی حمایه قیلیش مقصدیده اۉق اوزگنینی بیلدیرگن.
رویترزنینگ قۉشیمچه قیلیشیچه، تصدیقلنگن ویدېولرگه کۉره،۳۷ یاشلی الکس پرتی قۉلیده مبایل تېلفون توتگن و هېچ قندهی قورالگه اېگه بۉلمهگن، شونینگدېک، باشقه نمایشچیلرگه یاردم بېریشگه حرکت قیلگن، اولرنی خادملر یېرگه یاتقیزگن.
بو آیده امریکا مهاجرت ادارهسی خادملری تامانیدن امریکالیک یشاوچیسی اۉلدیریلگن ایکّینچی حالت دیر.
آینینگ باشیده « رنه گود» اسملی بیر امریکالیک یشاوچینی هم امریکا مهاجرت ادارهسی خادملری آتیب اۉلدیرگن اېدی.
رویترز خبریگه کۉره، الکس پرتی اۉلدیریلیشی امریکا نینگ بیر نېچته شهرلریده کېنگ کۉلملی ناراضیلیکلرگه سبب بۉلگن.
رویترزنینگ قۉشیمچه قیلگنیچه، اوشبو قاتللیک فدرال و ایالت وکیللری اۉرتهسیدهگی کېلیشماوچیلیکلرنی کوچهیتیردی.
خبر بېریلیشیچه، امریکا ایچکی خوفسیزلیک وزیری کریستی نام، اوشبو اېرکک تینچ نمایش اوچون اېمس، زۉرآورلیکنی کوچهیتیریش مقصدیده جایده بۉلگنینی ایتگن.
اما مینسوتا، ایالتی قوماندانی تیم والز بو حکایهنی شبهه آستیگه آلگن و فدرال باشقرووگه بو ایش بۉییچه ایشانیب بۉلمسلیگینی بیلدیرگن.
او شونینگدېک، ایالتدهگی ناقانوني مهاجرلرنی حبسگه آلیش و دېپورت قیلیش عملیاتلریگه یکون قۉییشنی طلب قیلگن.
