اروپا اتفاقینینگ افغانستاندهگی نمایندهلیگی «خلقارا تعلیم کونی» مناسبتی بیلن نشر قیلگن بیاناتیده افغانستانده تعلیم ساحهسیگه ملي و خلق ارا تشکیلاتلر آرقهلی سرمایه کیریتیشنی دوام اېتتیرهیاتگنینی بیلدیردی.
اوشبو بیاناتده اولر هر بیر بالهگه صفتلی و تعلیمگه اېریشیش حقوقینی تأمینلش بۉییچه اۉز مجبوريتینی تکرارلهگن.
نمایندهلیک افغانستاندهگی تعلیمگه قیلگن یاردملرینی قوییدهگیچه بیان قیلگن.
۲۵ میلیون یورونی یونیسف آرقهلی دولت مکتبلرینی خوفسیز سقلش و قولهی تعلیم محیطی یرهتیش، شو جملهدن اۉقیتووچیلرنی حمایه قیلیش، ساغلیقنی سقلش خدمتلرینی یخشیلش و تعلیم تیزیملرینی قۉللب-قوّتلشگه صرفلهگن.
۲۰ میلیون یورونی افغانستاندهگی مکتبلرده آزیقهلنتیریش دستوریگه جهان آزیق-آوقت دستوری آرقهلی اجرهتگن.
۶ میلیون یورونی افغانستاندهگی بالهلرنی حمایت قیلیش تشکیلاتیگه خوفسیز، جنسیتی تېنگلیککه ماس و صفتلی تعلیمنی، اینیقسه تهدیده بۉلگن بالهلر، مکتبدن چېتده قالگن قیزلر و معلول بالهلرنی قۉللب-قوّتلش اوچون یاردم صفتیده بېرگن.
۴.۷میلیون یورونی یونیسکوگه بېریب، یېتّی مینگ۵۰۰ نفر کتّهلر و یاشلرنی سوادخونلیک و کسب-هنر کۉنیکمهلری بیلن تأمینلشگه یاردم قیلگن.
بو آرهده طالبان افغانستانده ۶-صنفدن یوقاری قیزلر تعلیمینی منع قیلگن. بیرلشگن ملتلر تشکیلاتی معلوماتلریگه کۉره، اوشبو تعقیق سببلی۲.۲ میلیوندن آرتیق اۉسمیر قیز اۉرته مکتبلرگه باریش حقوقیدن محروم بۉلگن.
