طالبلرنینگ ننگرهار ولایتی امنیه قوماندانلیگینینگ معلوم قیلیشیچه، اوشبو ولایتنینگ «سپین غر» اولسواللیگیده بیر اوییده گاز بالونی پارتلشیدن ایکّی عیال هلاک بۉلگن، ایکّی باله اېسه یرهلنگن.
ننگرهارده طالبلر امنیه قوماندانی سۉزلاوچیسی سید طیب حمادنینگ ایتیشیچه، پارتلش تیناوون (سهشنبه، ۳۰جدی) «شدل رغزی» منطقهسیده صادر بۉلگن.
اونینگ قۉشیمچه قیلیشیچه، یرهلنگن بالهلر دوالنیش اوچون شفاخانهگه یېتکزیلگن.
امنیه قوماندانلیگیسی سۉزلاوچیسی پارتلش سببینینگ حاضرچه انیقلنمهگنینی و بو بۉییچه تېرگاو باشلنگنینی بیلدیرگن.
بیر نېچه کون آلدین، ننگرهارنینگ بت کوت اولسواللیگیدهگی بیر مهمانخانهده شونگه اۉخشش پارتلش یوز بېرگن بۉلیب، اونده 14 کیشی جراحتلنگن اېدی.
