طالبلر ساغلیقنی سقلش وزیرلیگینینگ معلوم قیلیشیچه، هندستان اوشبو وزیرلیککه سرطان کسللیگینی دوالش اوچون 18 توردهگی دارونی، جمعی یېتی مینگ۵۸۶ کیلوگرام آغیرلیکده، یاردم صفتیده یوبارگن.
طالبلر ساغلیقنی سقلش وزیرلیگی مطبوعات سۉزلاوچیسی شرافت زمان امرخیل بوگون (دوشنبه، ۲۹ جدی ) ایکس اجتماعی ترماغیده یازیشیچه، بو دارو سرطان بیلن آغریگن کسللرنی قۉللب-قوّتلش و ساغلیقنی سقلش خدمتلرینی مستحکملش مقصدیده بېریلگن.
اونینگ قۉشیمچه قیلیشیچه، دارو واسطهلری تخنیکي و نظارت باسقیچلری یکونلنگچ، مملکتدهگی ساغلیقنی سقلش مرکزلریگه ترقهتیلهدی.
طالبلر ساغلیقنی سقلش وزیرلیگی هندستان حکومتیگه منّتدارلیک بیلدیرگن و اوشبو یاردمنی سرطان بیلن آغریگن کسللرنی دوالش اوچون مهم، دېب بهالهگن.
هندستان بوندن آلدین هم افغانستانگه ساغلیقنی سقلش خدمتلرینی کوچهیتیریش مقصدیده بیر نېچه دارو یوکلری همده آلتی ته تېز یاردم موترنی یوبارگن اېدی.
بو حالت شوندهی بیر پیتده یوز بېرماقدهکی، طالبانلر پاکستان بیلن یوز بېرگن کېلیشماوچیلیکلردن سۉنگ اوشبو مملکتدن دارو صادر قیلیشنی منع قیلگن. نتیجهده مملکتده دوالنیش خرجتلری کېسکین آشگن.
طالبلر دارو سوداگرلریگه مملکت احتیاجینی تأمینلش اوچون مقابل یۉللرنی تنلشنی بویورگن همده هندستاندن دارو صادر قیلیشنی آسانلشتیریشلرینی بیلدیرگن.
