تاجیکستان ملي خوفسیزلیک کمیتهسی، افغانستان بیلن چېگره منطقهلرده مملکت کوچلری بیلن قوراللی تۉقنشوو نتیجهسیده تۉرت ترورچی اۉلدیریلگنینی معلوم قیلدی.
خاور اخبارات آژانسینینگ خبر بېریشیچه، کمیته اوشبو شخصلر بوگون تانگ (یکشنبه،۲۸ جدی) بدخشان ولایتی خواهان اولسواللیگی «دربندک» قیشلاغیدن تاجیکستان توپراغیگه کیرگنلر.
تاجیکستان ملي خوفسیزلیک کمیتهسی قۉشینلری اولرنینگ جایلشگن حدودینی انیقلب، سۉنگره اولرنی اوشلش بۉییچه عملیات اۉتکزگن.
کمیتهنینگ معلوماتیگه کۉره، «ترورچیلر» تاجیکستانلیک چېگره خدمتچیلریگه تسلیم بۉلمهگن و قوراللی تۉقنشوو نتیجهسیده تۉرتتهسی اۉلدیریلگن.
شونینگدېک، اوشبو منطقهدن بیر قنچه قورال و اۉق-داریلر، جملهدن، اوچ ته کَلاشنکوف و بیرته توفنگچه قۉلگه کیریتیلگن.
افغانستان و تاجیکستان چېگره منطقهلریده اوشبو ییل دوامیده «ترورچیلیک» فعالیت و هجوملر کوچهیگن.
تاجیکستان طالبلردن افغانستان توپراغیدن مملکتگه کیرهدیگن ترورچیلرنینگ آلدینی آلیشنی سۉرهگن.
طالبلر بیر نېچته هجوملردن سۉنگ بو بارهده تېرگاو باشلهگنینی بیلدیرگن، اما حاضرگچه تېرگاو نتیجهلرینی آشکار قیلمهگن.
