طالبلرنینگ بدخشان و دایکندی ولایتلریدهگی محلي مسووللری اوشبو ایکّی ولایتده یوز بیرگن ترافیک حادثهلری نتیجهسیده تۉرت کیشی اۉلگنی و ینه۱۱ کیشی یرهلنگنینی معلوم قیلدی.
طالبلرنینگ بدخشان ولایتی امنیه قوماندانلیگی معلوماتیگه کۉره، تیناوون (جمعه، ۲۶جدی) ولایت نینگ کشم اولسواللیگیده یوز بېرگن ترافیک حادثهسیده اوچ کیشی هلاک بۉلیب، ینه ایکّی کیشی یرهلنگن.
بدخشان ولایتی امنیه قوماندانلیگی مطبوعات سۉزلاوچیسی احسانالله کامگارنینگ ایتیشیچه، «پاسو» روسوملی موتر کیشم اولسواللیگیده «چهارمغز دره» قیشلاغیده یۉلدن چیقیب کېتیب، اغدریلگن.
اونینگ سۉزلریگه کۉره، حادثه هیداوچی نینگ احتیاطسیزلیگی و یۉل نینگ یراقسیز حالتی عاقبتیده یوز بېرگن.
شونینگدېک، طالبلرنینگ دایکندی ولایتی امنیه قوماندانلیگی هم تیناوون میرامور اولسواللیگینینگ «برکر» قیشلاغیده یوز بېرگن ترافیک حادثهسیده بیر کیشی اۉلگن و تۉقّیز کیشی یرهلنگنینی بیلدیرگن.
اوشبو حادثهده «فلنکوچ» روسوملی موتر یۉلدن چیقیب کېتیب، اغدریلگنی ایتیلهدی.
دایکندی ولایتی امنیه قوماندانلیگیگه کۉره، جراحتلنگنلر محلي اهالی کمگیده دوالنیش اوچون غزنی ولایتیگه یېتکزیلگن.
افغانستانده هر ییلی ترافیک حادثهلری یوزلب انسانلرنینگ حیاتیگه ضامن بۉلماقده و کۉپلب فقرالرنینگ جراحتلنیشیگه سبب بۉلماقده. اوشبو حادثهلرنینگ اساسي سببلری صفتیده هیداوچیلرنینگ احتیاطسیزلیگی، یۉللرنینگ ناسازلیگی همده یۉل بېلگیلرینینگ یېتیشمسلیگی کۉرستیلماقده.
