فاریاب ولایتیدهگی طالبان امنیه قوماندانلیگینینگ معلوم قیلیشیچه، قیصار تومنیده راکت اۉقی نینگ پارتلشی عاقبتیده ایکّی باله اۉلگن، بیر عیال و ینه بیر باله اېسه یرهلنگن.
بیلدیریلیشیچه، حادثه اوتکن کون پنجشنبه، ۲۵- جدی ساعت ۱۱:۰۰اطرافیده قیصار اولسواللیگی «تۉیمست» و «بۉری» قیشلاقلری آرهلیغیدهگی یۉلده یوز بېرگن.
طالبان خوفسیزلیک قوماندانلیگینینگ ایتیشیچه، بالهلردن بیری واقعه جاییده، ایکّینچیسی اېسه شفاخانهگه آلیب کېتیلهیاتگنده وفات اېتگن. بیاناتگه کۉره، اۉلگن بالهلر۱۲ و۱۳ یاشده بۉلگن.
اوروشدن قالگن اۉق-داریلر و ماینلرنینگ پارتلشی افغانستاننینگ تورلی ولایتلریده کۉپلب تینچ اهالی، اینیقسه بالهلر حیاتیگه ضامن بۉلیب کېلماقده. بیر نېچه اۉن ییللیک اوروشلر نتیجهسیده افغانستان منطقهلری نینگ بیر قِسمی ماینلر و پارتلاوچی مادّهلر بیلن افلاسلنگن.
بیرلشگن ملتلر تشکیلاتینینگ معلوماتلریگه کۉره، افغانستانده۳ میلیون۳۰۰ مینگ کیشی ماینلر و پارتلاوچی مادّهلر بیلن افلاسلنگن منطقهلردن یقین فاصلهسیده یشهیدی.
