«افغانستان یېتکرمهلرینی حمایه قیلووچی تشکیلای» نینگ خبر بېریشیچه، افغانستانلیک ژورنالیست صمیم نعیمی پاکستان پولیسی تامانیدن حبسگه آلینگن.
تشکیلات بوگون کېچقورون (چهارشنبه، ۲۴ جدی) اعلان قیلگن بیاناتیده ایتیشیچه، ژورنالیست فرانسه اېلچیخانهسینینگ رسمي خطینی قۉلیده توتگن پیتده حبسگه آلینگن و «حاجی کمپ»گه آلیب کېتیلگن.
افغانستان یېتکرمهلرینی حمایت قیلیش تشکیلاتی بو حرکتنی قتّيق قارهلب، اونی انسان حقوقلری، قاچقینلرنی حمایه قیلیش تمایللری و سۉز اېرکینلیگی اساسي قدریتلریگه تۉغریدن-تۉغری ضد دېب اتهگن.
تشکیلاتنینگ معلوم قیلیشیچه، صمیم نعیمی حرفهای ژنالیستیک فعالیتی، خوفسیزلیک تهدیدلری، سانسور و سیاسي باسیملر طفیلی اۉز مملکتینی ترک اېتیشگه مجبور بۉلگن و اگر مجبوري روشده افغانستانگه قَیتریلسه، حیاتی خوف آستیده بۉلهدی.
افغانستان ژورنالیستلرینی حمایه قیلووچی تشکیلات خلقارا تشکیلاتلر، بیرلشگن ملتلر تشکیلاتی و فرانسه حکومتیدن اوشبو ژورنالیستنی آزاد قیلیش و اونی مجبوري روشده افغانستانگه چیقریلیشیدن سقلش اوچون درحال چارهلر کۉریشنی سۉرهگن.
شونینگدېک، تشکیلات افغانستانلیک ژورنالیست پاکستاندن اوچینچی دولتلرگه تېزراق کۉچیریش جریانینی تېزلشتیریشنی طلب قیلگن.
پاکستان قاچقینلر ویزهسینی ینگیلش جریانینی تۉختهتگنیدن سۉنگ، منتظم روشده افغانستانلیک قاچقینلر، جملهدن ژورنالیستلر و یېتکرمه فعاللرینی حبسگه آلیب، چیقریب یوبارهدی.
ژورنالیستلرنی مجبوري روشده افغانستانگه چیقریش اېسه، اولرنی طالبان تامانیدن جدّي تهدیدلر و خوفلرگه دچار قیلیشی ممکن، دېیه آگاهلنتیریلماقده.
