محلي منبعلر کنر ولایتینینگ اسمار اولسواللیگیده اوروشدن قالگن اۉق پارتلشی عاقبتیده بیر عیال اۉلگن ینه ایکّی کیشی، جملهدن بیر باله یرهلنگنینی خبر قیلدی.
منبعلرگه کۉره، اوشبو حادثه تیناوون (چهارشنبه، ۱۷ جدی) اسمار اولسواللیگینینگ «آغزباغ» منطقهسیده یوز بېرگن.
اولرنینگ قۉشیمچه قیلیشیچه، یرهلنگنلر شفاخانهگه یېتکزیلگن، بیراق اولر نینگ ساغلیغی آغیر احوالده اېکنی ایتیلماقده.
حاضرگچه طالبان نینگ کنر ولایتیدهگی محلي رسميلری اوشبو پارتلش یوزهسیدن ایضاح بېرمهگن و حادثه تفصیلاتلری هم آشکار قیلینمهگن.
شونینگدېک، ایکّی کون آلدین کنر ولایتی نینگ نورگل اولسواللیگی مزاردره قیشلاغیده ماین پارتلشی عاقبتیده بیر کیشی اۉلیب، آلتی نفر یرهلنگن اېدی.
بیر نېچه اۉن ییللیک اوروشلر سبب افغانستان منطقهلری نینگ بیر قِسمی ماینلر و پارتلاوچی مادّهلر بیلن افلاسلنگن بۉلیب، بو اۉق-داریلر تینچ اهالی حیاتیگه جدّي خوف توغدیرماقده.
بیرلشگن ملتلر تشکیلاتی معلوماتلریگه کۉره، افغانستانده اوچ میلیون۳۰۰ مینگ کیشی ماینلر و پارتلاوچی مادّهلر بیلن افلاسلنگن منطقهلردن بیر کیلومتر شعاسیده یشهیدی.
