طالبلر تشقی ایشلر وزیری امیرخان متقي، عمان تشقی ایشلر وزیری بدر البوسعیدی بیلن تجارت، ترانزیت و ترانسپورت ساحهلریدهگی همکارلیک مسألهلری یوزهسیدن صحبتلشدی.
طالبان تشقی ایشلر وزیرلیگی خبرنامهسیگه کۉره، امیرخان متقي عمان تشقی ایشلر وزیرینی کابلگه سفر قیلیشینی پیشنهاد قیلگن و یوقاری درجهدهگی مصلحتلشوولرنی فایدهلی، دېب بهالهگن.
بدر البوسعیدی اېسه مناسب وقتده کابلگه سفر قیلیشگه تیار اېکنینی بیلدیرگن همده اوشبو سفر دوامیده ایکّی تامانلهمه همکارلیکنی کېنگهیتیریش بۉییچه ثمرهلی مذاکرهلر اۉتکزیلیشیگه امید بیلدیرگن.
او، شونینگدېک، عمان هوا یۉللری بۉییچه تخنیکي هیئت یقین کېلهجکده کابلگه سفر قیلیشینی قۉشیمچه قیلگن.
عمان تشقی ایشلر وزیرلیگی هم اۉز بیاناتیده متقي و بدر البوسعیدی اۉز ارا مناسبتلر ترقیاتی و ایکّی تامانلهمه همکارلیکنی رواجلنتیریش یۉللری حقیده مذاکره آلیب بارگنینی معلوم قیلگن.
تامانلر تجارت امکانیتلرینی قۉللب-قوّتلش، تجربه المشیش همده اقتصادي شریکلیک افقلرینی کېنگهیتیریش بارهسیدهگی عمومي مجبوريتلرینی تأکیدلب، بو همکارلیک هر ایکّی تاماننینگ عمومي منفعتلریگه خدمت قیلیشینی قید اېتگن.
