تورکستان اېللری اۉقوو، کلتور و یاردملشمه اویوشمهسی تامانیدن بالهلرنی صنعت و مدنیت بیلن یقیندن تنیشتیریش مقصدیده «ینگی ییلگه سلام» موضوعی آستیده شعر کېچهسی بۉلیب اۉتدی.
اوشبو ادبی کېچهده کېنگشی باشلیغی محمد هاشم همدم اۉز سۉزیده بالهلرنینگ صنعت و مدنیت روحیده تربیهلنیشی جمعیت کېلهجگی اوچون مهم اهمیتگه اېگه اېکنینی تأکیدلهدی.
تدبیر دوامیده بالهلر شعر، حکایه و قۉشیقلر اجرا اېتیب، دوتار و گیتار چهلیش بیلن نمایش اېتگن چیقیشلری کېچهگه علیحده فیض بغیشلهدی.
برنامهنینگ ایکّینچی قِسمیده خلق صنعتکاری شاه نظر تورکمېن بالهلر اوچون مۉلجللنگن اثرلری بیلن صحنهگه چیقیب، اشتراکچیلرگه قووانچلی لحظهلر اولشدی.
شونینگدېک، بلخ بیلیم یورتی تورک تیلی و ادبیاتی بۉلیمی نینگ سابق رئیسی پروفیسور ضیا قَیصاري بوندهی مدني تدبیرلر بالهلرنینگ معنوي و ایجادي رواجلنیشیده مهم اۉرین توتیشینی تیلگه آلدی.
او، اینیقسه، بالهلر تربیهسیده عیاللرنینگ و آنهلرنینگ حصهسی بېقیاس اېکنینی قید اېتیب، بو کبی تدبیرلرده عیاللرنینگ فعال اشتراکی ضرورلیگینی حقیده علیحده اورغو بېردی.
