«افغانستان آزادلیک جبههسی» کېچه کېچقورون (پنجشنبه، ۱۱جدی) فاریاب ولایتینینگ مرکزی میمنه شهریده جایلشگن طالبان محکمه بناسیده یوز بېرگن پارتلش اوچون مسوولیتنی اۉز ذمّهسیگه آلدی.
مذکور جبههگه کۉره، اولرنینگ کوچلری طالبان نینگ استیناف محکمهسی بناسیگه راکت هجومی اویوشتیرگن. بیراق فاریابدهگی محلي منبعلر پارتلش چیقیندی قوتیسیگه جایلشتیریلگن ماین عاقبتیده یوز بېرگنینی اَیتماقده.
«آزادلیک جبههسی» اوشبو هجومده طالبان نینگ تۉرت اعضاسی هلاک بۉلگنی و ینه ایکّی نفری یرهلنگنی حقیده معلوم قیلگن.
اما محلي منبعلر فقط بیر نفر طالبان اعضاسی نینگ یرهلنگنی و اوشبو گروهگه تېگیشلی «رنجر» روسوملی موتر شکستلنگنی تصدیقلهماقده. فاریابدهگی طالبان نینگ محلي رسميلری حادثه یوزهسیدن حاضرچه ایضاح بېرمهدی.
