طالبلر ملی احصائیه و معلوماتلرنینگ معلوم قیلیشیچه، جاري قویاشي ییلنینگ قوس آییده افغانستان بازارلریده یاغ نرخلری۱۳.۹ فایزگه، تورلی خیل سبزواتلر نرخی اېسه۲۹فایزگه آشگن.
اوشبو اداره بوگون (پنجشنبه، ۱۱جدی) اعلان قیلگن گزارشیده ایتیشیچه، شو آی دوامیده آزیق-آوقت محصولاتلری ایچیده دان محصولاتلری نرخی هم۳.۵فایزگه کۉتریلگن.
شونینگدېک، طالبان نینگ ملي احصائیه و معلومات ادارهسی قوس آییده افغانستانده دوالنیش (طبي خدمتلر) نرخی۱۷.۲فایزگه، کییم-کېچک نرخی اېسه۳.۱فایزگه آشگنینی بیلدیرگن.
گزارشده قید اېتیلیشیچه، قوس آییده مصرفی موادلر نرخلری تورمی نینگ آیلیک شاخصلری۲.۸فایز، ییللیک نقطه-نقطهگه بو اېسه اۉتگن ییل نینگ قوس آییگه نسبتاً۹.۶فایزگه آشگن.
طالبان و پاکستان اۉرتهسیدهگی تۉقنهشوولر همده افغانستان–پاکستان چېگرهلریدهگی اۉتیش یۉللرنینگ یاپیلیشی آرتیدن مملکتده آزیق-آوقت، دارو-درمان و کییم-کېچک نرخلری آشیب بارماقده. طالبان نینگ ملي احصائیه و معلومات ادارهسینینگ آماری معلوماتلریگه کۉره، عقرب آییده هم دان محصولاتلری نرخی۱.۳ فایزگه، گۉشت۱.۶فایزگه، مېوهلر۱۰.۳ فایزگه، سبزواتلر۲.۱فایزگه و دوالنیش خرجتلری۱۳.۹فایزگه آشگن.
