طالبلر سمنگان بیلیم یورتی دروازهسیگه ینگی لوحه اۉرنهتیب، اوندهگی فارسي و اۉزبېکچه سۉزلرنی آلیب تشلهدی.
یقینده بیلیم یورتی مقامیگه کۉتریلگن اوشبو تعلیم مؤسسهسینینگ آلدینگی لوحهسی تۉرت تیلده پشتو، فارسي، اۉزبېکچه و انگلیسچه یازیلگن اېدی.
اما منبعلرگه کۉره، ینگی لوحهده فقط «پوهنتون سمنگان- د سمنگان پوهنتون» و اونینگ انگلیسچه مقابلی یازیلگن.
آلدینراق طالبان جوزجان بیلیم یورتی لوحهسیدن هم بیلیم یورتی سۉزینینگ اۉزبېکچه شکلینی آلیب تشلهگن اېدی، بیراق کېنگ کۉلملی تنقیدلردن سۉنگ اونی قَیته تیکلهگن.
افغانستاندهگی بیلیم یورتلری لوحهلری دایم بحثلی بۉلیب کېلگن موضوعلردن. بو بحثلر اساسن لوحهلرده «دانشگاه» سۉزی نینگ یازیلیشیگه قرشی چیقیشلر بیلن باغلیق.
اوّلگی حکومت دوریده عیناً شو مسأله سبب کابل و هرات کبی ییریک بیلیم یورتلری اوزاق وقت لوحهسیز قالگن اېدی.
سۉنگگی ییللرده اَیریم تعلیم مؤسسهلری لوحهلریده «دانشگاه» سۉزی یازیله باشلهگن، بیراق طالبان حاکمیتگه قَیتگچ، اونی آلیب تشلب، اۉرنیگه «پوهنتون» سۉزینی یازدی.
شونینگدېک، بو گروه اَیریم دولت ادارهلری و شفاخانهلردن هم فارسي یازوولی لوحهلرنی آلیب تشلهگن.
