طالباننینگ سۉزلاوچیسی ذبیحالله مجاهد،۶۰۰ مینگدن آرتیق یېتیم، معلول و بېوهلرگه هر آی ایکّی مینگ افغاني تۉلهنیشینی ایتدی.
اونینگ سۉزلریگه کۉره، طالبان نینگ شهیدلر و معلوللر ایشلری وزیرلیگی اۉتگن ییلده باقووچیسیز قالگن عیاللر و بالهلر همده معلول شخصلر اوچون قریب۱۲میلیارد۵۰۰ میلیون افغاني اجرهتگن.
افغانستانده عایله باشلیغی بۉلگن عیاللر سانیگه دایر انیق آمار و معلوماتلر موجود اېمس.
بیرلشگن ملتلر تشکیلاتینینگ معلوماتلریگه کۉره، افغانستانده تخمیناً بیر یریم میلیون کیشی آغیر معلوللیک بیلن یشهیدی.
یونما معلوماتیگه کۉره، افغانستان اهالیسینینگ هر تۉرت نفردن بیری یېنگیل معلوللیککه اېگه.
گدایلرگه ایکّی مینگ افغاني تقسیماتی
طالبان سۉزلاوچیسینینگ قۉشیمچه قیلیشیچه، گدایلرگه هم هر آی ایکّی مینگ افغاني ترقهتیلهدی.
اونینگ ایتیشیچه، سۉنگگی بیر ییل ایچیده مملکت بۉیلب۱۰ مینگ۶۶۴ نفر گدای انیقلنگن.
اقتصادي بحراننینگ کېسکینلشووی سببلی مملکت اهالیسی نینگ قریب یرمی آزیق-آوقت خوفسیزلیگی معماسیگه دوچ کېلماقده و یاردمگه محتاج.
بیرلشگن ملتلر تشکیلاتینینگ افغانستاندهگی انسان پرورلیک یاردمنی موافقلشتیریش باشقرمهسی (اوچا) نینگ معلوم قیلیشیچه، ینگی میلادي ییلده اوشبو مملکتده محتاجلرگه یاردم کۉرسهتیش اوچون۱.۷۱ میلیارد امریکا دالری مقداریده بودجه ضرور.
